10:47, 07 - ناۋرىز 2016 | GMT +5
ءبىر بولمەلى پاتەردە 60 مىسىق قاراۋسىز قالدى - فوتو
استانا. قازاقپارات - مىسىقتاردى وتە جاقسى كورگەن 68 جاستاعى زەينەتكەر ايەل ولاردى 12 جىلعا جۋىق ۋاقىت بويى ۇيىندە جيناعان. بۇل ارەكەتى جاقىندارى جانە كورشىلەرىمەن تالاي رەت ۇرىسۋعا سەبەپ بولعان.
ولار رەسەيدەگى كراسنويار تۇرعىنىنىڭ ءبىر بولمەلى پاتەرىن دالاداعى جانۋارلاردىڭ پاناسىنا اينالدىرۋىنا قارسى بولدى.
زەينەتكەر ايەل اۋرۋحاناعا تۇسكەندە، كومەككە «ادالدىق» ايماقتىق ۇيىمىنىڭ بەلسەندىلەرى كەلىپ، ناۋقاستىڭ پاتەرىنەن بارلىق قوقىس پەن ءولى جانۋارلاردى شىعاردى. ۇيىمنىڭ قاتىسۋشىلارى ايەلدىڭ تۋىستارىمەن سويلەسىپ، مىسىقتاردى دالاعا قالدىرماي، ولارعا پانا تابۋعا ۋاقىت بەرۋىن ءوتىندى.
ەرىكتىلەر 30-عا جۋىق مىسىققا پانا تاپتى، الايدا تاعى 30-ى جاڭا ۇيگە مۇقتاج بولىپ وتىر، دەپ جازادى informing.ru.
