شامامەن 60 جىلدان كەيىن قاجىلىق مۇلدەم توقتاتىلۋى مۇمكىن
اسىرەسە، پارسى شىعاناعى ەلدەرىندە ادامدار تەك سالقىنداتقىش ورناتىلعان ارنايى بولمەلەردە عانا كۇنەلتەدى دەيدى ولار. بۇل ءوز كەزەگىندە مۇسىلمانداردىڭ قاجىلىق ساپارىنا توقتاۋ سالۋى مۇمكىن. عالىمداردىڭ وسى تاقىرىپتا جازعان عىلىمي ەڭبەكتەرى Nature Climate Change جۋرنالىندا باسىلىپ شىقتى.
عالىمداردىڭ ايتۋىنشا، اراب ەلدەرىندە جارتى عاسىردان كەيىن كۇن استىندا ءجۇرۋ مۇمكىن بولماي قالادى. سوندىقتان پروبلەمانىڭ شەشىمىنە جەرگىلىكتى بيلىك قازىردەن باس اۋىرتقانى ءجون دەيدى ولار.
2071-2100 -جىلدار ارالىعىندا كاتار، ب ا ءا جانە يراندا كۇن ەرەكشە ىسىپ، دۋباي، ابۋ-دابي، دوحا سىندى قالالاردا تىرشىلىكتىڭ قالۋى ەكىتالاي. قازىرگى كۇننىڭ وزىندە اتالعان شاھارلاردا اۋا تەمپەراتۋراسى رەكوردتىق كورسەتكىشتەرگە جەتىپ جىعىلادى.
ماسەلەن، بيىل جازدا يران مەن يراك اۋماعىندا كۇندىز تەرمومەتر باعانى 50 گرادۋستىق كورسەتكىشتى ۇستاپ تۇرسا، ءتۇننىڭ وزىندە 30 گرادۋستان تومەندەگەن جوق. دەگەنمەن، قاۋىپتىڭ بەتىن قايتارۋعا بولاتىن كورىنەدى. ول ءۇشىن باتىس ەلدەرى اتموسفەراعا تاستاپ جاتقان پرانيكتىك گازداردىڭ كولەمىن كۇرت ازايتۋ كەرەك.
Baq.kz
