تالدىقورعاندا 60 جەتىم بالا پاتەرگە يە بولدى
تاعدىر تالكەگىمەن وتباسىلىق جىلۋ كورمەي وسكەن بالالار بۇگىن مەملەكەتتىك قولداۋ مەن شىنايى قامقورلىقتى سەزىندى.
وتكەن جىلعى قازاندا الماتى وبلىسى اكىمىنىڭ قولداۋىمەن جەتىم بالالارعا ارنالعان 60 پاتەرلىك ءۇيدىڭ قۇرىلىسى باستالعان بولاتىن.
قونىس تويىن تويلاۋشىلاردى قۇتتىقتاۋعا ءوڭىر باسشىسى ا. باتالوۆ كەلدى.
وبلىس اكىمى تۇرعىن ءۇي سالاسى زاڭناماسىنا ەنگىزىلگەن وزگەرىستەرگە سايكەس جەتىم بالالار ۇوس ارداگەرلەرى مەن مۇگەدەكتەرمەن تەڭ دارەجەدە تۇرعىن ءۇي الۋعا ەرەكشە باسىمدىققا يە ەكەنىن اتاپ ءوتتى، بۇگىنگى شارا سونىڭ دالەلى بولدى.
«بالانىڭ بوتەنى بولمايدى. سەندەردە ءبىز بارمىز، مىقتى كوشباسشى - پرەزيدەنتىمىز بار. سوندىقتان جالعىزبىن دەپ ويلاماڭدار»، - دەدى ا. باتالوۆ.
پاتەردىڭ كىلتىن العاشقىلاردىڭ ءبىرى بولىپ، قۋانىشى قوينىنا سىيماي تۇرعان يكرام عايتوۆ الدى.
«پرەزيدەنتىمىزگە، وبلىس اكىمىنە ءبىزدى قولداعانى ءۇشىن العىسىمدى بىلدىرەمىن. بۇگىن ەرەكشە باقىتتىمىن. «ءوز ءۇيىم - ولەڭ توسەگىم» دەگەن وسى بولار»، - دەدى گايتوۆ.
ءۇيدى سالۋ ءۇشىن وبلىستىق بيۋدجەتتەن 348457633 تەڭگە ءبولىندى. ءۇي جوباسىن «ارلان- جوبا قۇرىلىس» ج ش م دايىندادى. «تالدىقورعان ق. قۇرىلىس ءبولىمى» م م تاپسىرىسى بويىنشا ءۇيدى «شىمىر» ج ش س سالدى. قۇرىلىس جۇمىستارىنىڭ ساپاسى باقىلاۋدا بولعانىن اتاپ وتكەن ءجون. نىسان اپتا سايىن لاۋازىمدى تۇلعالار ينسپەكتسياسىنىڭ تىزىمىنە ەندى. 4- دەڭگەيلى جايلىلىق سىنىبىمەن ءۇيدىڭ جالپى الاڭى 3698,45 م² قۇرايدى. 60 پاتەردىڭ 28 ىءبىر بولمەسى بولسا، 32 ى - ەكى بولمەلى.
