14:41, 23 - تامىز 2015 | GMT +5
ءتاج- ماحال سارايىندا ءىلىنىپ تۇرعان سالماعى 60 كەلىلىك ليۋسترا قۇلاپ كەتتى
استانا. قازاقپارات - ءۇندىستاندا اگرا قالاسىنداعى ءتاج- ماحال سارايىنىڭ كىرەبەرىسىندە ءىلىنىپ تۇرعان سالماعى 60 كەلىلىك ليۋسترانىڭ قۇلاپ كەتۋىنە بايلانىستى ءىس قوزعالدى.

بۇل وقيعانى كورگەندەردىڭ ايتۋىنشا، ەكى مەترلىك بيىكتىكتە ىلىنگەن ليۋسترا ونى مۋزەي جۇمىسشىلارى تازارتىپ جاتقاندا قۇلاعان. ابىروي بولعاندا، وسىندا جۇرگەن تۋريستەردىڭ ەشقايسىسى دا زارداپ شەككەن جوق.
«بۇل مىستان جاسالعان اسپاشام شىنجىرعا ءىلىنىپ تۇرعان بولاتىن. مەن تەرگەۋ جۇمىستارىن جەكە ءوزىم جۇرگىزەمىن»، - دەيدى ءۇندىستان ارحەولوگيالىق باسقارماسىنىڭ اعا ارحەولوگى بۋۆان ۆيكرام سينگح.