مەكتەپكە جول اياسىندا 60 الماتىلىق وقۋشى قاجەتتى ءبىلىم قۇرالدارىمەن قامتاماسىز ەتىلدى

الماتى. قازاقپارات - بۇگىن الماتىدا «مەكتەپكە جول» جالپى رەسپۋبليكالىق اكسياسى اياسىندا «بالالارعا بىرگە كومەك كورسەتەيىك!» ۇرانىمەن قايىرىمدىلىق شاراسى ءوتتى.
None
None

وعان الەۋمەتتىك از قامتىلعان وتباسىلار قاتىستى.

«بۇل شارانىڭ باستى ماقساتى - الەۋمەتتىك از قامتىلعان جانە كوپبالالى وتباسىلاردان شىققان وقۋشىلارعا، جەتىم بالالارعا جانە اتا- انا قامقورلىعىنسىز قالعان بالالارعا جاڭا وقۋ جىلى باستالار الدىندا كومەك كورسەتۋ جانە الەۋمەتتىك ماسەلەلەر بويىنشا بالالاردىڭ مەكتەپكە كەلمەۋىن ەسكەرتۋ. ءىس- شارا بارىسىندا 60 بالاعا مەكتەپ بۇيىمدارى تاپسىرىلدى»، - دەدى ءوز سوزىندە المالى اۋداندىق اكىمدىگىنىڭ مادەنيەت جانە تىلدەردى دامىتۋ ءبولىمىنىڭ باس مامانى اقسۇڭقار ابىلتايەۆا.

سونىمەن قاتار ول بيىل جاز ايلارىندا قالادا الەۋمەتتىك از قامتىلعان وتباسىلار بالالارىنا ارنالعان «ءبىزدىڭ جازعى ەستافەتا» اتتى قايىرىمدىلىق اكسياسىنىڭ جۇرگىزىلگەندىگىن ايتتى.

«بۇل ءىس- شارا بارىسىندا اۋداننىڭ 8000 نان استام بالالارى قامتىلدى. اكسيا اياسىندا جاز بويى بالالار قالامىزدىڭ كينوتەاترلارىنىڭ قىزىقتى جاڭا كورسەتىلىمدەرىن تاماشالاپ، مۇراجايلار مەن كورمەلەردە بولدى جانە ءتۇرلى سپورتتىق، مادەني ءىس- شارالارعا قاتىستى»، - دەدى ا. ابىلتايەۆا.

ايتا كەتەلىك، جالپىرەسپۋبليكالىق «مەكتەپكە جول» اكسياسىنىڭ اياسىندا تامىز ايىنىڭ باسىنان باستاپ، اۋداندا مەكتەپكە باراتىن 500-گە جۋىق بالاعا كومەك كورسەتىلگەن. بۇعان «Vision»، «ناستوياشيي مەد» كومپانياسى، «بولشاق جاستاردىڭ قولىندا» قوعامدىق قورى دەمەۋشىلىك جاسادى.

ال بۇگىنگى شاراعا المالى اۋدانى اكىمىنىڭ اپپاراتى، «نۇر وتان» پارتياسىنىڭ المالى اۋدانى بويىنشا فيليالى، الماتى قالالىق ىشكى ىستەر دەپارتامەنتىنىڭ ەسىرتكىگە قارسى كۇرەس باسقارماسى قولداۋ كورسەتتى.

اۆتور: جاپپاربەرگەن ايبوتا

سوڭعى جاڭالىقتار