مەكسيكادا ادامدار جاپپاي جەرلەنگەن 60 قورىم تابىلدى
ولار وتكەن جىلدىڭ قىركۇيەك ايىندا جوعالىپ كەتكەن 46 ستۋدەنتتى ىزدەۋ كەزىندە انىقتالدى. جالپى العاندا، بۇل قورىمداردان 129 ادامنىڭ مۇردەسى تابىلعان.
بۇل اقپاراتتى اسسوشيەيتەد پرەسس اگەنتتىگىنىڭ رەسمي سۇراۋىنان كەيىن مەكسيكانىڭ باس پروكۋراتۋراسى جاريالادى.
نارازىلىق شارالارىنا بەلسەندى قاتىسقان ستۋدەنتتەر وتكەن جىلى 26- قىركۇيەك كۇنى يگۋالا قالاسىندا پوليتسيامەن بولعان قاقتىعىستاردان كەيىن جوعالعان.
شەرۋگە قاتىسقانداردىڭ كوبىن پوليتسيا الىپ كەتكەن، تەرگەۋ مالىمەتتەرىنشە، ول كەيبىر ستۋدەنتتەردى ەسىرتكى كارتەلىنىڭ سودىرلارىنا تاپسىرعان.
مەكسيكانىڭ بيلىك كوزدەرىنىڭ اقپاراتىنشا، ستۋدەنتتەر ءولتىرىلىپ، ولاردىڭ مۇردەلەرى جويىلۋى مۇمكىن. وسى ۋاقىتقا دەيىن تەك ءبىر ادامنىڭ مۇردەسى تانىلدى.
قاقتىعىس سالدارىنان بارلىعى التى ادام ءولتىرىلىپ، 17 ادام جاراقاتتاندى، 57 ادام ءىز-ءتۇزسىز جوعالعان، سونىڭ ىشىندە 14 ءى كەيىن ۇيلەرىنە ورالدى.
تۇسىنىكتەمە بەرگەن ءتارتىپ ساقشىلارى ستۋدەنتتەرگە شابۋىلدى ولاردىڭ نارازىلىق ۇيىمداستىرۋدا بەلسەندىلىگىن ۇناتپاعان قالا ءمەرى تاپسىرعانىن ايتادى.
