مۇناي 60 دوللاردان تومەندەدى

استانا. قازاقپارات - سەيسەنبى كۇنى مۇناي باعاسىنىڭ تومەندەۋى جالعاستى: Brent مۇنايىنىڭ باررەلى 2009-جىلدان بەرى العاش رەت 60 دوللاردان كەم بولدى، WTI باعاسى ءبىر باررەل ءۇشىن 55 دوللاردى قۇرادى، دەپ حابارلايدى Bloomberg.

لوندوننىڭ ICE Futures بيرجاسىنداعى Brent مۇنايىنىڭ قاڭتار ايىنداعى فيۋچەرستەرى جەرگىلىكتى ۋاقىت بويىنشا ساعات 10:45 تە ءبىر باررەل ءۇشىن 1,18 (%1,9) دوللاردان - 59,88 دوللارعا دەيىن تومەندەگەن.

WTI مۇنايى فيۋچەرسىنىڭ باعاسى قاڭتاردا نيۋ-يوركتەگى تاۋار بيرجاسىنداعى ەلەكتروندىق ساۋدادا ءبىر باررەل ءۇشىن 1,06 (%1,9) دوللارعا دەيىن ءتۇسىپ، 54,85 دوللاردى قۇرادى.

دۇيسەنبى كۇنگى ساۋدا بەس جىلدىڭ ىشىندە ەڭ تومەنگى باعالارمەن اياقتالدى. سەيسەنبى كۇنى تاڭەرتەڭ مۇناي باعاسىنىڭ قىتايدىڭ قايتا وڭدەۋ ونەركاسىبىندەگى ىسكەرلىك بەلسەندىلىگىنىڭ باسەڭدەۋى تۋرالى مالىمەتتەردەن كەيىن تومەندەۋى ودان ءارى جالعاستى.