كوزىنە وپەراتسيا جاساتقان 60 ادام مۇلدە سوقىر بولىپ قالدى
بۇل تۋرالى The Times of India باسىلىمى حابار تاراتتى.
زارداپ شەككەندەردىڭ ءبارى - جاسى 60 تان جوعارى كەدەيلەر. دارىگەرلەردىڭ ايتۋىنشا، ەندى ولاردىڭ كورۋ قابىلەتىن قالپىنا كەلتىرۋ مۇلدە مۇمكىن ەمەس. شامامەن ون كۇن بۇرىن گۋرداسپۋر وكرۋگىندە ورىن تەپكەن مەديسينالىق لاگەردە بىرنەشە ناۋقاسقا كاتاراكتا الۋ وتاسى جاسالعان بولاتىن.
باسىلىمنىڭ مالىمەتىنە سايكەس، حيرۋرگتەر انتي سانيتاريالىق جاعدايدا جەرگىلىكتى بيلىكتىڭ ءتيىستى رۇقساتىنسىز جۇمىس ىستەگەن. قازىر پوليتسيا لاگەردى ۇيىمداستىرعاندار مەن وعان قاتىسقان حيرۋرگتەرگە ىزدەۋ جاريالادى.
بۇل ءۇندىستاندا مەديتسينا ساپاسىمەن بايلانىستى جالعىز شۋلى جاعداي ەمەس. تاياۋدا وريسسا شتاتىندا قىز- كەلىنشەكتەردىڭ جاتىرىن تازارتۋ وپەراتسياسىن جۇرگىزگەن دارىگەر جۇمىس بارىسىندا كادىمگى ۆەلوسيپەد سورعىسىن پايدالانعان. ال مادحيا- پرادەش شتاتىندا دوكتور گۋپتا ءوزىنىڭ قوس كومەكشىسىمەن دات باسقان قۇرالدارمەن ءۇش ساعاتتىڭ ىشىندە 80 نەن اسا ايەلگە تازالاۋ وپەراتسياسىن جۇرگىزىپتى. ولاردىڭ 13 وپەراتسيادان كەيىن كوز جۇمدى. ەكى كۇننەن كەيىن ءدال وسى شتاتتا حيرۋرگتەر ءبىر ساعاتقا جەتەر- جەتپەس ۋاقىتتا 26 ايەلگە جاتىر تازارتۋ وپەراتسياسىن جۇرگىزىپ، سالدارىنا ءبىر ايەل قايتىس بولدى.
bnews.kz
