ساۋد ارابياسى مۇناي باعاسى باررەلىنە 60 دوللار دەڭگەيىندە تۇراقتالادى دەپ كۇتۋدە
و پ ە ك مۇناي باعاسىنىڭ قارقىندى قۇلدىراعان جاعدايىنا بەيىمدەلۋگە ءماجبۇر. ءىرى مۇناي ءوندىرۋشى ساۋد ارابياسى مەن پارسى شىعاناعىنىڭ باسقا دا ەلدەرى مۇناي باعاسى باررەلىنە 60 دوللار كولەمىندە تۇراقتالادى دەپ كۇتۋدە، دەپ جازادى The Wall Street Journal.
جاعدايدى جاقسى بىلەتىن مۇناي ەكسپورتشىلارى مۇنداي باعامەن جاعدايدى ەڭسەرۋگە بولادى دەپ سانايدى. ءتىپتى باررەلىنە 60 دوللاردان تومەن تۇسكەن جاعدايدا دا بۇل ۇزاققا سوزىلمايتىن ءۇردىس»، - دەپ باسىلىم مۇناي شەنەۋنىگىنىڭ پىكىرىن كەلتىرگەن.
قاراشانىڭ باسىندا و پ ە ك ەلدەرىنىڭ وكىلدەرى باررەلىنە 70 دوللارعا تۇسسە دە مۇناي ەكسپورتشىلارى دۇرلىكپەيتىنىن ايتقان. 3- جەلتوقسان كۇنى، سارسەنبىدە Brent ماركالى مۇناي باررەلىنە 70 دوللاردان ءسال اساتىن دەڭگەيدە ساتىلدى.
ءىرى اراب مەملەكەتىنىڭ وكىلدەرى قازاندا مۇناي نارىعىنىڭ قاتىسۋشىلارىمەن، تالداۋشىلارىمەن كەزدەسۋ بارىسىندا ەلدىڭ تاياۋ جىلدارى مۇناي باعاسىنىڭ باررەلىنە 80 دوللارعا دەيىن تۇسۋىنە ءازىر ەكەندىگىن مالىمدەگەن. ورتا مەرزىمدى پەرسپەكتيۆادا و پ ە ك- تەگى ءىرى مۇناي ءوندىرۋشى نەعۇرلىم جوعارى تابىسقا ۇمىتتەنگەن: ساۋدتىقتار مۇنايدىڭ تومەن باعاسى باسەكەلەس جوبالاردان ۇسىنىس ءوسىمىن توقتاتادى دەپ كۇتكەن.
