تۇركيا پوليسياسىندا «تازارتۋ»: 60 استام قىزمەتكەر قامالدى
ولاردىڭ كەيبىرى تۇركيا پرەمەر- ءمينيسترى رەدجەپ تايىپ ەردوعانعا جاقىن توپقا قاتىستى جەمقورلىق ىستەرىن تەرگەۋگە قاتىسقان كورىنەدى.
سونىمەن قاتار قامالعانداردىڭ اراسىندا ىستامبۇلدىق لاڭكەستىككە قارسى كۇرەس پوليسياسىنىڭ بۇرىنعى ەكى باسشىسى دا بار. ولاردىڭ ءبىرى جۋرناليستەرگە ايتقان سوزىندە وزىنە قارسى ءىس ساياسيلاندىرىلعانىن جەتكىزگەن.
ىستامبۇل پروكۋراتۋرىسىنىڭ اقپاراتى بويىنشا پوليسەيلەر مىڭداعان ادامداردىڭ تەلەفوندارىن تىڭداعىن، ونىڭ ىشىندە پرەمەر- مينيستر مەن تۇركيالىق بارلاۋ قىزمەتى باسشىسىنا تىڭشىلىق جاساعان. 100 دەن استام كۇدىكتىنى تۇتقىنداۋعا وردەرلەر بەرىلدى، دەپ اتاپ ءوتتى پروكۋرور.
بۇدان بۇرىن حابارلانعانداي، بىلتىرعى جەلتوقساندا باستالعان جەمقورلىققا قارسى تەرگەۋ ءۇش ءمينيستردىڭ بالالارىن قاماۋعا الۋعا جانە ءتورت ۆەدومستۆو باسشىسىنىڭ وتستاۆكاسىنا الىپ كەلدى.
ءوز كەزەگىندە ەردوعان بۇل تەرگەۋ ءوزىنىڭ بۇرىنعى ساياسي قارسىلاسى فەتحۋللا گيۋلەننىڭ باستاماسىمەن جۇرگىزىلگەنىن مالىمدەگەن بولاتىن.
اۆتور: رۋسلان عابباسوۆ
