10:04, 25 - ماۋسىم 2014 | GMT +5
نيگەريادا 60 قىز-كەلىنشەك ۇرلاندى
استانا. قازاقپارات - نيگەريانىڭ سولتۇستىك-باتىسىندا تاعى دا 60 قىز-كەلىنشەكتەر ۇرلاندى، دەپ حابارلادى BBC.

بۇعان دەيىن دە دەمالىس كۇندەرى بولجاممەن «بوكو حارام» يسلامشىل توبىنىڭ سودىرلارى 20 ادامدى ۇرلاپ كەتكەندىگى حابارلانعان ەدى.
BBC-دىڭ حابارلاۋىنشا، نيگەريادا ۇرلانعان ادامدار جايىندا ناقتى دەرەكتى اتاۋ وتە قيىن. ويتكەنى، جەرگىلىكتى تۇرعىندار دا، شەنەۋنىكتەر دە ادام ۇرلىعى جايىندا ايتۋدان قورقادى.
ال قىز-كەلىنشەكتەر بورنو شتاتىنا قاراستى اۋىلداردىڭ بىرىنە قارۋلى ادامدار شابۋىلداعاندا ۇرلانعانعا ۇقسايدى.
اۆتور: مارلان جيەمباي