قازاقپارات اگەنتتىگىنىڭ الەۋمەتتىك جەلىلەرىنەن اقپارات الۋشىلار 60 مىڭنان استى

 استانا. قازاقپارات - «قازاقپاراتتىڭ» الەۋمەتتىك جەلىلەرىنەن اقپارات الۋشىلار 60 مىڭنان استى.
None
None

بۇل تۋرالى بۇگىن ت م د مەملەكەتتىك اقپارات اگەنتتىكتەرى باسشىلارى كەڭەسىنىڭ XVIII وتىرىسىندا «قازاقپارات» حالىقارالىق اقپارات اگەنتتىگىنىڭ باس ديرەكتورى داۋرەن دياروۆ ءمالىم ەتتى.

 «زاماناۋي سۇرانىستى ەسكەرە وتىرىپ، قازاقپارات الەۋمەتتىك جەلىلەردە كەڭىنەن ۇسىنىلعان. اتاپ ايتقاندا، Facebook, موي مير، ۆكونتاكتە، Twitter، ودنوكلاسسنيكي، Google+,  Instagram, Linkedin, Imgur، weixin  سىندى الەۋمەتتىك جەلىلەردە ارنالارى بار. الەۋمەتتىك جەلىلەردەگى اگەنتتىكتىڭ ارنالارى مەن بەتتەرىندە جازىلۋشىلاردىڭ جيىندىق سانى 60 مىڭنان اسىپ جىعىلادى» ، دەدى د. دياروۆ.

«قازاقپارات» ح ا ا باس ديرەكتورىنىڭ اتاپ وتۋىنشە، پورتالدى پايدالانۋشىلار گەوگرافياسى ەكى ءجۇز ەلدەن اسىپ جىعىلادى. پايدالانۋشىلاردىڭ نەگىزگى بولىگى قازاقستان، قىتاي، رەسەي، ا ق ش، ءۇندىستان، ۇلى بريتانيا، ۋكراينا، نورۆەگيا، گەرمانيا ەلدەرىنە تيەسىلى.

«قازىرگى تاڭدا پايدالانۋشىلاردىڭ 73 پايىزى قازاقستانعا، ال قالعان 27 پايىزى باسقا ەلدەرگە تيەسىلى. اتاپ وتەرلىگى، 2013 -جىلى بۇل پايىزدىق ماندە سايكەسىنشە 85/15 بولاتىن» ، دەدى ول.

اۆتور: مارلان جيەمباي

2671611 

سوڭعى جاڭالىقتار