10:12, 26 - مامىر 2014 | GMT +5
عالىم 60 تەمەكىدەن كەيىن وكپەنىڭ قانداي كۇيدە بولاتىنىن ۆيدەوعا تۇسىرگەن - كەسكىن
استانا. قازاقپارات - مەديتسينالىق قىزمەتكەر وكپەنى تەمەكى تۇتىنىمەن دەمالدىرىپ، كەيىن ورگانداردا بولاتىن وزگەرىستەردى باقىلاپ وتىرعان.
عالىم 60 تەمەكىدەن كەيىن وكپە نە كۇيدە بولاتىنىن ۆيدەوعا تۇسىرگەن. شياڭگاڭدا يان چي مەديتسينالىق مەكتەبىنىڭ وقىتۋشىسى رايان و وقۋشىلارىنا تەمەكى شەگەتىندەردىڭ وكپەسىمەن نە بولاتىنىن كورسەتكىسى كەلگەن.
The Daily Mail حابارلاعانداي، ول ءوز تاجىريبەسىندە شوشقانىڭ وكپەسىن پايدالانعان. وكپەنىڭ ءبىر بولىگىنە تازا اۋا بارسا، ەكىنشىسىنە كومپرەسسور اۋامەن بىرگە تەمەكى ءتۇتىنىن جەتكىزىپ وتىرعان. وسىلايشا 60 تەمەكىنىڭ ءتۇتىنى وكپەگە بارعان سوڭ، رايان و تاجىريبەنى توقتاتىپ، قورىتىندىسىن ستۋدەنتتەرىنە كورسەتكەن. تازا اۋا جۇتقان ورگاندار سول قالپى قالعان ەكەن. ال تەمەكىنىڭ ءتۇتىنىن سىڭىرگەن وكپەدە نيكوتيننىڭ سالدارىنان سارى ءتۇس پايدا بولعان. سونىمەن بىرگە، شىلىمداعى شايىردان تىنىس جولى قارايىپ، تولىپ قالعان.
