ب ۇ ۇ باس حاتشىسى الەم ەلدەرىن اۋعانستانعا 606 ميلليون دوللار كولەمىندە كومەك بەرۋگە شاقىردى
بۇل تۋرالى كابۋلعا ساپارىنىڭ قورىتىندىسى بويىنشا سەيسەنبى كۇنى وتكەن بريفينگىدە ب ۇ ۇ باس حاتشىسىنىڭ گۋمانيتارلىق ماسەلەلەر جونىندەگى ورىنباسارى مارتين گريففيتس ءمالىم ەتتى، دەپ حابارلايدى قازاقپارات رەسەيلىك ت ا س س اگەنتتىگىنە سىلتەمە جاساپ.
«باس حاتشى دۇيسەنبى كۇنى، 13-قىركۇيەكتە، جەنيەۆادا الەم ەلدەرىن ءتورت ايلىق كەزەڭگە 606 ميلليون ا ق ش دوللارىن بولۋگە شاقىرىپ، ءسوز سويلەيدى»، - دەدى گريففيتس.
ونىڭ ايتۋىنشا، بۇل قاراجات «اۋعانستاننىڭ قازىرگى گۋمانيتارلىق قاجەتتىلىكتەرىن قاناعاتتاندىرۋعا»، «ازىق- تۇلىك، ءدارى- دارمەك، مەديتسينالىق قىزمەتتەردى»، سونداي- اق قىزمەتكەرلەردىڭ قاۋىپسىزدىگىن قامتاماسىز ەتۋگە جۇمسالادى.
13-قىركۇيەكتە ب ۇ ۇ باس حاتشىسى جەنيەۆادا اۋعانستانعا گۋمانيتارلىق كومەك كورسەتۋ جونىندەگى مينيسترلىك كەزدەسۋىن شاقىرادى. ول ەلدەگى گۋمانيتارلىق وپەراتسيانى قارجىلاندىرۋدى ۇلعايتۋعا، سونداي- اق گۋمانيتارلىق قول جەتىمدىلىكتىڭ «تولىق جانە كەدەرگىسىز» بولۋىن قامتاماسىز ەتۋگە باعىتتالادى.
