استانادا اليمەنت تولەمەگەن 600 ادام ىزدەۋدە ءجۇر

بۇگىنگى تاڭدا استانانىڭ جەكە سوت ورىنداۋشىلارىندا 19 مىڭنان استام اتقارۋشىلىق قۇجات بار. ولاردىڭ 10 مىڭى مەرزىم-مەرزىمىمەن ورىندالادى، ياعني قارىز جالاقىدان ۇستالادى جانە اي سايىن اليمەنت ءوندىرىپ الۋشىلارعا بەرىلەدى. ال، 618 بورىشكەر ىزدەستىرىلىپ جاتىر، وسىعان بايلانىستى اتقارۋشىلىق ءىس جۇرگىزۋ توقتاتىلدى، - دەدى استانانىڭ جەكە سوت ورىنداۋشىلارى وڭىرلىك پالاتاسىنىڭ باسشىسى ادىلەت بەيسەنبايەۆ استانا كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
سپيكەردىڭ ايتۋىنشا، 2 مىڭنان استام پروبلەمالىق قۇجاتتار بار، ياعني ءتۇرلى سەبەپتەرمەن اليمەنت تولەمدەرى جاسالمايدى. نەگىزىنەن بورىشكەرلەردە جۇمىس جوق، تولەمگە قابىلەتتى ەمەس جانە باسقا دا سەبەپتەر بار.
بيىلعى جىل باسىندا اليمەنت تولەمدەرىن ءوندىرۋ بويىنشا بەرەشەك 3 ملرد تەڭگەدەن استى. ءقازىر بۇل كورسەتكىش 2 ميلليارد 900 ميلليون تەڭگەگە دەيىن تومەندەدى. جىل باسىنان بەرى 79 بورىشكەر اكىمشىلىك جاۋاپقا، التاۋى قىلمىستىق جاۋاپقا تارتىلدى.
تۇراقتى جۇمىس ورنى جوق بورىشكەرلەر ءۇشىن جىل باسىنان بەرى ون شاقتى بوس ورىندار جارمەڭكەسى وتكىزىلدى. ناتيجەسىندە تەك 21 بورىشكەر جۇمىسقا ورنالاستى. ونىڭ دا كوپتەگەن سەبەپتەرى بار: ماماندىق سايكەس كەلمەيدى، ۇسىنىلعان جالاقى نەمەسە لاۋازىم ءۇشىن جۇمىس ىستەۋگە نيەت جوق، - دەپ تولىقتىردى سپيكەر.