تۋعان ەلگە ساياحات: 600 بالا قازاقستاننىڭ جەتى ايماعىن پويىزبەن ارالاپ شىعادى

None
استانا. قازاقپارات - قازاقستاننىڭ 7 تۋريستىك ايماعىن ارالايتىن «تۋعان ەلگە ساياحات» بالالار پاتريوتتىق- تانىمدىق پويىزىنا 600 بالا جولداما الادى.

ونىڭ ىشىندە 300 قاتىسۋشى «ءوز ءوڭىرىمدى وركەندەتكىم كەلەدى» دەگەن تاقىرىپتا ەسسە جازۋ ارقىلى انىقتالادى، دەپ حابارلايدى قازاقپارات.

وعان 10-15 جاس ارالىعىنداعى بالالار قاتىسادى. ولار اتالعان تاقىرىپتاعى تۋىندىسىن [email protected] ەلەكتروندى پوشتاسىنا 10-ماۋسىمعا دەيىن جولداۋى قاجەت.

​شىعارمالار قازاق نەمەسە ورىس تىلىندە قابىلدانادى. ءبىر بالا ءبىر شىعارما عانا جولداۋعا ءتيىس.

جول ۇستىندەگى جازعى دەمالىسقا جولداما الاتىن بالالاردى قازىلار القاسى انىقتايدى.

ال 300 جولداما «سامۇرىق- قازىنا» ا ق كومپانيالار توبىنداعى وندىرىستىك كاسىپورىنداردا جۇمىس ىستەيتىن قىزمەتكەرلەردىڭ بالالارىنا بەرىلەدى.

تۋعان ەلگە ساياحات 3 كەزەڭنەن تۇرادى:

العاشقى كەزەڭدە ماۋسىم ايىنىڭ 20 سى كۇنى استانادان شىققان پويىز بايقوڭىر، تۇركىستان، الماتى جانە بۋرابايعا بارىپ، 28-ماۋسىمدا ەلورداعا قايتىپ كەلەدى.

ەكىنشى كەزەڭ 2-11-شىلدە ارالىعىندا استانا - بايقوڭىر - تۇركىستان - الماتى - الاكول - استانا باعىتىن قاميتيدى.

ال ءۇشىنشى كەزەڭنىڭ قاتىسۋشىلارى 19-30-شىلدە ارالىعىندا استانادان الماتىعا، سودان سوڭ تۇركىستان مەن بايقوڭىرعا بارىپ، اقتاۋ ارقىلى استاناعا ورالادى.

​جوبا «سامۇرىق- قازىنا» ا ق كومپانيالار توبىنىڭ اتىنان «Samruk-Kazyna Trust» الەۋمەتتىك جوبالاردى دامىتۋ قورىنىڭ قارجىلىق قولداۋىمەن، ق ر پرەزيدەنتى جانىنداعى ايەلدەر ىستەرى جانە وتباسىلىق- دەموگرافيالىق ساياسات جونىندەگى ۇلتتىق كوميسسيانىڭ جانە «الەۋمەتتىك جوبالار قورىنىڭ» قاتىسۋىمەن جۇزەگە اسىپ جاتىر.

پرەزيدەنت تەلەراديوكەشەنى اتىنان «Jibek Joly» تەلەارناسى ىنتىماقتاستىق تۋرالى مەموراندۋم اياسىندا باس اقپاراتتىق سەرىكتەس بولىپ وتىر.

تولىق اقپاراتتى 87172604599، 87751426682 بايلانىس نومىرلەرىنە حابارلاسىپ بىلۋگە بولادى.

سوڭعى جاڭالىقتار
telegram