الەمدە كوروناۆيرۋس قۇرباندارىنىڭ سانى 600 مىڭ ادامنان استى

نۇر- سۇلتان. قازاقپارات - دجون حوپكينس ۋنيۆەرسيتەتىنىڭ ساناۋى بويىنشا، ىندەتتەن كوز جۇمعانداردىڭ ەڭ كوبى - ا ق ش، برازيليا جانە ۇلى بريتانيا ەلدەرىندە، دەپ حابارلايدى قازاقپارات ۋنيۆەرسيتەت مالىمەتتەرىنە سىلتەمە جاساپ.

جاڭا تيپتەگى كوروناۆيرۋستى جۇقتىرعان سوڭ قايتىس بولعان ادامداردىڭ سانى سەنبى كۇنى 600435 كە جەتكەن.

بۇل دجون حوپكينس ۋنيۆەرسيتەتىنىڭ مەملەكەتتەردىڭ فەدەرالدىق جانە جەرگىلىكتى بيلىگىنىڭ اقپاراتى نەگىزىندە جاساعان ەسەبى.

زەرتتەۋ ۇيىمىنىڭ مالىمەتىنشە، ۆيرۋستان ەڭ كوپ ادام كوز جۇمعان ەلدەر - ا ق ش (139,9 مىڭنان استام ادام)، ەكىنشى ورىندا برازيليا (78,7 مىڭنان استام ادام) جانە ۇلى بريتانيا (45,3 مىڭنان استام ادام).

قازىرگى كەزدە كوروناۆيرۋس 14,2 ميلليوننان استام ادامنان انىقتالعان.

ىندەت جۇقتىرۋ وقيعالارىنىڭ ەڭ كوبى ا ق ش- تا (3697743). بۇدان كەيىن تىزىمدە (2074860)، ءۇندىستان (1038716) جانە رەسەي (765437) تۇر.

جاڭا كوروناۆيرۋستان شىعاتىن دەرتتىڭ ءورشۋى 2019-جىلدىڭ سوڭىندا ورتالىق قىتايدا تىركەلىپ، كوپتەگەن ەلدەرگە تاراعان.

دۇنيەجۇزىلىك دەنساۋلىق ساقتاۋ ۇيىمى ونى پاندەميا دەپ اتادى.