ەلوردادا زاڭسىز جالعا بەرىلىپ كەلگەن 600 پاتەر انىقتالدى

نۇر- سۇلتان. قازاقپارات - 1 - ساۋىردەن باستاپ استانالىق ۋچاسكە ينسپەكتورلارى 180 مىڭ پاتەر مەن 23 مىڭ جەكە تۇرعىن ءۇيدى ارالاپ، «ۋچاسكە» جەدەل الدىن الۋ شاراسىن قورىتىندىلادى،

 دەپ حابارلايدى قازاقپارات ءتىلشىسى.

تۇرعىلىقتى مەكەنجايى بويىنشا ىشكى ىستەر ورگاندارىندا ەسەپتە تۇرعان 1700 ادام مەن 2700 ازاماتتىق قارۋ يەسى تەكسەرىلگەن.

جۇمىس بارىسىندا زاڭسىز جالعا بەرىلىپ جاتقان 600 پاتەر انىقتالعان. ول اقپارات قازىرگى ۋاقىتتا نۇر- سۇلتان قالاسىنىڭ مەملەكەتتىك كىرىستەر دەپارتامەنتىنە جولدانىپ وتىر.

جالپى، جەدەل الدىن الۋ شارالارى باستالعاننان بەرى 6 مىڭ ادام اكىمشىلىك جاۋاپكەرشىلىككە تارتىلعان. ول زاڭبۇزۋشىلىقتاردىڭ 300- ءى - ۇساق بۇزاقىلىق بولسا، 2 مىڭنان استامى - تىركەۋسىز نەمەسە قۇجاتسىز ءجۇرۋ سەكىلدى بۇزۋشىلىقتار ەكەنى انىقتالعان.

سونىمەن بىرگە، قازاقستان رەسپۋبليكاسىنىڭ زاڭناماسىن بۇزعان 1800 شەتەل ازاماتىنىڭ قالادا تۇرىپ جاتقانى بەلگىلى بولدى.

اۆتور: ايان بەكەن ۇلى