الاكولدە دەمالۋشىلار سانى بيىل 600 مىڭعا جەتۋى مۇمكىن
شىعىس قازاقستاندىقتار مۇنىمەن دە شەكتەلمەك ەمەس. جەرگىلىكتى بيلىك بيىل تۋريستەر سانى 600 مىڭعا جەتىپ جىعىلادى دەپ وتىر. الاكول بۇگىندە ادام تانىماستاي وزگەرگەن. سوڭعى جىلدارى دەمالىس ايماعىندا اۋقىمدى قالپىنا كەلتىرۋ جۇمىستارى جۇرگىزىلدى. كوركەيتۋ شارالارى بيىل دا جالعاستى، ناتيجەسىندە جاعالاۋ 400 مەترگە ۇلعايدى. قوسىمشا ورىندار پايدا بولىپ، كول باسى كوركەيە ءتۇستى.
«بەسىنشى جىل قاتارىنان كەلىپ وتىرمىن. الاكولدىڭ سۋى شيپالى. ساپاسى دا ارتىپ كەلەدى، قىزمەت كورسەتۋ، جاتار ورىندارى، تاماعى، جول ءجۇرۋ، بارلىعىنا كوڭىل بولىنۋدە. كوڭىلدەن شىعادى»، - دەدى دەمالۋشىلاردىڭ ءبىرى ەلقونىس كىرىس ۇلى.
دەمالىس ورنىن اباتتاندىرۋ جۇمىستارى - وبلىس اكىمى دانيال احمەتوۆتىڭ تىكەلەي نازارىندا. ايماق باسشىسى الاكولگە بيىل بىرنەشە رەت كەلدى. قازىر مۇندا تۋريستەرگە قولايلى بولۋى ءۇشىن بارلىق جاعداي جاسالعان. جاعالاۋدا 150 دەن استام دەمالىس ورنى، 30 عا تارتا ءدامحانا قىزمەت كورسەتەدى.
«سوڭعى ءۇش جىلدىڭ ىشىندە 5 ميللياردقا جۋىق قاراجات ءبولىپ، وتە اۋقىمدى جۇمىستار ىستەلىپ جاتىر، سونىڭ ىشىندە ءبىر شاقىرىمعا سوزىلعان اربات بار. جاعالاۋ اباتتانىپ جاتىر. 993 دانا كىشى ارحيتەكتۋرالىق فورما قويىلۋدا. بۇگىندە الاكولگە پويىزبەن دە جەتۋگە بولادى. وبلىس اكىمىنىڭ تاپسىرماسىمەن سالىنعان تەمىرجول وسكەمەن - سەمەي - جالاڭاشكول اراسىن جالعاپ، تۋريستەر سانىنىڭ ەسەلەپ ارتۋىنا ىقپال ەتىپ وتىر»، - دەيدى ءۇرجار اۋدانى اكىمىنىڭ ورىنباسارى ديدار حاميتوۆ.
