قازاقستاندىق «تۇلپار- تالگو» زاۋىتى الداعى بەس جىلدا 600 ۆاگون جاساپ شىعارادى - فوتو
«ءبىز ءبىر كەلىسىمشارتتى جاپتىق. ول 2012-2015 -جىلدارعا ارنالعان جۇمىس جوسپارى بولاتىن. وسى ارالىقتا ءبىزدىڭ زاۋىتىمىز 436 ۆاگون ءوندىردى. 2015 -جىلى جاڭا كەلىسىمگە قول قويىپ، كۋزوۆى كەڭ ۆاگونداردى جاساپ جاتىرمىز. 2023 -جىلعا دەيىن وسىنداي ۆاگوننىڭ 603- ءىن جاساپ شىعارۋ جوسپاردا بار. وتكەن جىلمەن بىرگە ەسەپتەگەندە بۇگىنگى كۇنگە دەيىن 178 ۆاگون شىعارىلىپ قويدى»، - دەيدى «تۇلپار- تالگو» زاۋىتىنىڭ ديرەكتورى ۆلاديمير كيسەليەۆ پارلامەنت ءماجىلىسىنىڭ دەپۋتاتتارىنىڭ«تۇلپار- تالگو» زاۋىتىنىڭ جۇمىسىمەن تانىسۋى بارىسىندا.
ال 2018 -جىلى زاۋىت جۇمىسشىلارى 90 ۆاگون وندىرمەك.
«وتكەن جىلى 62 ۆاگون جاسالدى. وسى جىلى 91 ۆاگوندى ءوندىرۋ كوزدەلۋدە. جالپى، زاۋىتتا 183 جۇمىسشى ەڭبەك ەتەدى»، - دەيدى كيسەليەۆ.
زاۋىت باسشىسىنىڭ ايتۋىنا قاراعاندا، جۋىق ارادا سەرىكتەستىكتىڭ تەحنولوگياسى مەن وندىرىسىنە جاڭاشا فورمات ەنگىزۋ كوزدەلمەگەن.
«ءبىز يسپاننىڭ «تالگو» ءوندىرىس تەحنولوگياسىمەن جۇمىس اتقارىپ جاتىرمىز. وسى باعىتتان تايماق ەمەسپىز. ۆاگوندار ءوزىنىڭ ستاندارتتارى بويىنشا سەرتيفيكاتقا يە»، - دەيدى ول.
اۆتور: ايان بەكەن ۇلى
