مىسىردا 600 گە جۋىق ادام تۇرمەدەن شىعارىلدى
استانا. قازاقپارات - مىسىر تۇرمەلەرىندە جاتقان 600 گە جۋىق ادام پرەزيدەنت راقىمشىلىعىمەن ۇلتتىق مەرەكە - 1952 -جىلعى 23 -شىلدەدە جاريالانعان توڭكەرىس كۇنىنە وراي بوستاندىققا شىقتى.
بۇل تۋرالى ەگيپەت ىشكى ىستەر مينيسترلىگىنىڭ پەنيتەنسيارىق مەكەمەلەردى باقىلاۋ جونىندەگى باسقارماسىنىڭ وكىلى حابارلادى. ونىڭ ايتۋىنشا، «توڭكەرىس كۇنىنە وراي راقىمشىلىققا تۇرمەدە جاتقان 596 ادام ىلىككەن. تۇرمەدەگى جازاسىن وتەۋ مەرزىمى بىتۋگە تاياپ قالعان 500 گە جۋىق مىسىرلىق امنيستياعا سايكەس بوستاندىققا شىعارىلدى. تاعى 103 ادام مەرزىمىنەن بۇرىن شارتتى تۇردە بوساتىلعان، ولار تۇرعىلىقتى جەرىندە پوليتسيانىڭ قاداعالاۋىندا بولادى. راقىمشىلىققا اۋىر قىلمىس جاساعاندار نەمەسە تەررورلىق توپتارمەن بايلانىسى بولعاندار ىلىكپەيدى.
