قالالىق دەپۋتات دەكلاراتسيادا 600 گە جۋىق پاتەرىنىڭ بارىن كورسەتتى
ءبىرىڭعاي مەملەكەتتىك دەكلاراتسيالار ءتىزىلىمى سايتىندا جاريالانعان قۇجاتقا سايكەس، اتالعان پاتەرلەردىڭ 400 ىن ول ساتىپ ۇلگەرگەن، دەپ حابارلايدى قازاقپارات ر ب ك- عا سىلتەمە جاساپ.
دەپۋتاتتىڭ يەلىگىندە 186 پاتەر قالىپ وتىر. وۆەركونىڭ بارلىق جىلجىمايتىن مۇلىكتى ساتۋدان تۇسكەن پايداسى 50 ميلليون گريۆەندى نەمەسە 1,891 ميلليون ا ق ش دوللارىن قۇرادى. كوپقاباتتى ۇيلەردەگى باسپانادان بولەك وۆەركونىڭ مەنشىگىندە ءتورت جەر ءۇي مەن 18 جەر ۋچاسكەسى بار. وۆەركو «سينەرگيا» قۇرىلىس فيرماسىنىڭ باسشىسى جانە تەڭ قۇرىلتايشىسى بولىپ تابىلادى. قالالىق كەڭەس دەپۋتاتى دەكلاراتسيادا كورسەتكەن جىلجىمايتىن مۇلىكتەرىنە قاتىستى تۇسىنىك بەرىپ ۇلگەردى جانە وندا ەشبىر زاڭ بۇزۋشىلىق جوقتىعىن ءمالىم ەتتى.
«مەن ءوز تابىسىن اشىق جاريالاعان ازداعان دەپۋتاتتاردىڭ ءبىرىمىن. مەن قۇرىلىسپەن اينالىسامىن جانە سوندا بارلىق قاراجاتتارىمدى سالامىن»، - دەدى ول.
