پەتروپاۆلدا ايتىس جەڭىمپازىنا 600 مىڭ تەڭگە بەرىلدى

پەتروپاۆل. قازاقپارات - پەتروپاۆلدا سوڭعى 15 جىلدا العاش رەت رەسپۋبليكالىق اقىندار ايتىسى ءوتتى، دەپ حابارلادى «قازاقپارات» ح ا ا ءتىلشىسى وبلىس اكىمىنىڭ باسپا ءسوز قىزمەتىنە سىلتەمە جاساپ.

 ايتىس قازاقتىڭ ءبىرتۋار جازۋشىسى، سولتۇستىك قازاقستان وبلىسىنىڭ تۋماسى عابيت مۇسىرەپوۆتىڭ 115 جىلدىعىنا ارنالعان. وعان قازاقستاننىڭ 9 وبلىسىنان كەلگەن 12 سۋىرىپسالما اقىن قاتىستى.

باس جۇلدە مەن 600 مىڭ تەڭگەنى حالىقارالىق اقىندار ايتىسىنىڭ جۇلدەگەرى، پاۆلودار وبلىسىنان كەلگەن اسپانبەك شۇعاتايەۆ يەلەندى.

1 - ورىن قاراعاندىلىق سۋىرىپسالما اقىن ماقسات اقانوۆقا، ەكىنشى ورىن سولتۇستىك قازاقستاندىق مۇحامەد قوڭقايەۆقا بەرىلدى. سوڭعى جۇلدەلى ورىن قاراعاندىلىق ديدار قاميەۆكە بۇيىردى.

تۇرسىنبەك كاكىشيەۆتىڭ «ەر جانىبەك» حالىقارالىق قوعامدىق قورىنىڭ ارنايى جۇلدەسىن جانە 300 مىڭ تەڭگەنى قىزىلوردا وبلىسىنىڭ ارۋى ءمولدىر ايتباي جەڭىپ الدى.

 شىعىس قازاقستاندىق نۇرجان ومىربايەۆ م. جۇمابايەۆ اۋدانى اكىمدىگىنىڭ ارنايى جۇلدەسىنە لايىق دەپ تانىلدى. ول 200 مىڭ تەڭگە كولەمىندە سىياقىعا يە بولدى.