ماڭعىستاۋ ءبىر جىلدا قازىناعا 600 ميلليارد تەڭگەگە جۋىق قاراجات ءتۇسىردى

اقتاۋ. قازاقپارات - ماڭعىستاۋ وبلىسى مەملەكەتتىك كىرىستەر دەپارتامەنتى ءبىر جىلداعى جۇمىستىڭ قورىتىندىسىن شىعارا وتىرىپ، مەملەكەتتىك بيۋدجەتكە ءتۇسىم جوسپارىن ورىنداۋ بويىنشا تاپسىرمانىڭ ورىندالعانىن (102,2 پايىز) جانە مەملەكەتتىك قازىناعا جارتى تريلليوننان استام قاراجات اۋدارىلعانىن ايتتى، دەپ حابارلادى «قازاقپارات» ح ا ا ءتىلشىسى.

 «سالىق جانە كەدەن قىزمەتىنىڭ نەگىزگى فۋنكسيالارىنىڭ ءبىرى - مەملەكەت قارجىسىن تولىقتىرۋ جانە وسى مىندەتتى وبلىستىڭ فيكستىك ورگانى ءساتتى ورىنداۋدا. ەل قازىناسىنا سالىقتار مەن تولەمدەردىڭ ءتۇسۋى تۇراقتى تۇردە ارتۋدا.

سونىمەن، 2016 - جىلعى قورىتىندى بويىنشا شوعىرلاندىرىلعان بيۋدجەتكە سالىقتار مەن تولەمدەر ءتۇسىمى 595, 3 ميلليارد تەڭگەنى قۇرايدى (ونىڭ ىشىندە: ۇلتتىق قورعا - 268,4 ميلليارد، رەسپۋبليكالىق بيۋدجەتكە - 201,1 ميلليارد، جەرگىلىكتى بيۋدجەتكە - 125,8 ميلليارد)»، - دەپ اتاپ ءوتتى دەپارتامەنتتىڭ باس مامانى ماقسۇت اقمۇراتوۆ.