قازاقستاندا تۇرعىندارى از اۋىلداردا 600 جىلجىمالى كىتاپحانا قىزمەت كورسەتۋدە
بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن بريفينگتە ق ر م س م مادەنيەت جانە ونەر ىستەرى دەپارتامەنتى ديرەكتورىنىڭ ورىنباسارى ەرمەك راحيموۆ ءمالىم ەتتى. بريفينگ بارىسىندا ەرمەك راحيموۆ ايتىپ كەتكەندەي، بۇگىنگى تاڭدا ەلىمىزدە 11423 كىتاپحانا جۇمىس ىستەيدى. ولاردىڭ ىشىندە: 4122 - مادەنيەت سالاسىنداعى كىتاپحانالار، ءبىلىم جانە عىلىم سالاسىندا 7186 جانە 115 كىتاپحانا وزگە جۇيەلەر مەن ۆەدومستۆولارعا قارايدى.
حالقى از، ستاتسيونارلىق كىتاپحانا پۋنكتەرى جوق ەلدى مەكەندەردە 2335 كىتاپحانا پۋنكتەرى جانە 617 -جىلجىمالى كىتاپحانا قىزمەت ەتەدى.
«تۇرعىن سانى از اۋىلدارعا جىلجىمالى كىتاپحانالار جىبەرىلەدى. ولار "بيبليوbus" دەپ اتالادى. تۇراقتى تۇردە جۇمىس جاساپ كەلەدى. قىزمەتتەرىن حالىق جاقسى تۇتىنىپ جاتىر. بۇل جەرگىلىكتى اتقارۋشى بيلىكتىڭ ۇيىمداستىرۋىمەن وتەدى»، - دەدى قازاقستان رەسپۋبليكاسى مادەنيەت جانە سپورت مينيسترلىگىنىڭ وكىلى. ونىڭ اقپاراتىنا قاراعاندا رەسپۋبليكادا كىتاپحانا قولانۋشىلارىنا قىزمەت كورسەتۋدىڭ، سونىڭ ىشىندە ءداستۇرلى فورمالارىمەن قوسا اقپاراتتىق تەحنولوگيالار قولدانىلادى.
مادەنيەت سالاسىنداعى 1019 كىتاپحانا وقىرماندارعا قىزمەت كورسەتۋدە ءتۇرلى اۆتوماتتاندىرىلعان باعدارلامالاردى پايدالانادى. ق ر ۇلتتىق كىتاپحاناسى مەن وبلىستىق عىلىمي- تەحنيكالىق كىتاپحانالاردا بارلىق تەحنولوگيالىق ۇردىستەر اۆتوماتتاندىرىلعان. سونىمەن قاتار ەرمەك راحيموۆ ستاتيستيكالىق مالىمەتتەرگە قاراعاندا 2015 -جىلدىڭ قورىتىندىلارى بويىنشا مادەنيەت جانە سپورت مينيسترلىگىنىڭ كىتاپحانالار جۇيەسىنىڭ ەلەكتروندى دەرەكتەر قورى 13265639 بيبليوگرافيالىق جازبالاردان تۇرىپ، سونىڭ ىشىندە 3506852 جازبا ينتەرنەت جەلىسى ارقىلى قول جەتىمدى بولىپ تابىلادى. «2007 -جىلى ق ر پرەزيدەنتى نۇرسۇلتان نازاربايەۆتىڭ تاپسىرماسىمەن "قازۇەك" - قازاقستاندىق ۇلتتىق ەلەكتروندىق كىتاپحانا جوباسى ءساتتى جۇزەگە اسىرىلىپ وتىر. قاز ۇ ە ك ارقاسىندا قازاقستاندىقتار عانا ەمەس، بارشا الەم وقىرماندارى قازاقستان ادەبيەتىنەن سۋسىنداۋدا. بۇگىندە رەسپۋبليكا بويىنشا 157 مىڭ قۇجات اتاۋى، سونىڭ ىشىندە 142 قازاق تىلىندە، ساندىق فورماتقا اۋدارىلدى»، - دەدى ول.
اۆتور: جاسۇلان جولدىبايەۆ
