قاراعاندىدا ساۋدا ورتالىعىنان 600 ادام قاۋىپسىز جەرگە كوشىرىلدى
«س ۋ م» عيماراتىندا جارىلعىش زاتى قويىلدى» دەگەن حابار ج ب و 102 نومىرىنە ساعات 16.34-تە كەلىپ تۇسكەن. وقيعا ورنىنا جەدەل قىزمەت جونەلتىلدى. ساۋدا ۇيىنەن شامامەن 600 ادام - ساتۋشى، تەحنيكالىق قىزمەتكەر جانە كەلۋشىلەر ەۆاكۋاتسيالاندى. وبلىستىق ءى ءى د وقۋ- جاتتىعۋ ۆزۆودىنىڭ قىزمەتكەرلەرى عيماراتتى ءتىنتىپ شىقتى. جارىلعىش زات تابىلمادى. ساعات 17.44 تە وپەراتسيا اياقتالدى»، - دەدى وبلىستىق ءى ءى د باسپا ءسوز قىزمەتىنىڭ باسشىسى باقىتجان قۇدياروۆ.
پوليتسەيلەردىڭ حابارلاۋنىشا، ەر ادام قوڭىراۋ شالعان. قازىر كىم حابارلاسقانى انىقتالۋدا.
«ماتەريال سوتقا دەيىنگى تەرگەۋ امالدارىنىڭ ءبىرىڭعاي تىزىلىمىنە ق ر ق ك- نىڭ 273-بابى بويىنشا تىركەلدى. بۇل باپ بويىنشا 6 جىلعا دەيىن باس بوستاندىعىنان ايىرۋ قاراستىرىلعان»، - دەپ قوستى ب. قۇدياروۆ.
قاراعاندى س ۋ م- ىنا «بومبا» قويىلدى دەپ وسىعان دەيىن دە حابارلانعان. وسىنداي وقيعا 7 -ماۋسىمدا ورىن الدى. ول كەزدە ساۋدا ۇيىنەن 500 ادام قاۋىپسىز جەرگە شىعارىلدى. ۇستالعان 26 جاستاعى كۇدىكتى قوڭىراۋ شالعانىن مويىنداعان.
