16:57, 23 - تامىز 2016 | GMT +5
قوي تەرىسىنىڭ 600 داناسىن زاڭسىز شەكارا اسىرماق بولعان قازاقستاندىقتار ۇستالدى
استانا. قازاقپارات - قازاق- قىرعىز شەكاراسىندا ۇلكەن كولەمدەگى قوي تەرىسىن وتكىزۋ دەرەگى تىركەلدى، دەپ حابارلادى ق ر ۇ ق ك شەكارا قىزمەتىنەن.

قورداي شەكارا جاساعىنا قاراستى «كاراسۋ اۆتو» باقىلاۋ- وتكىزۋ بەكەتىنىڭ شەكاراشىلارى جالپى سانى 600 دانا بولاتىن قوي تەرىسىن شەكارا ارقىلى زاڭسىز وتكىزۋگە تىرىسقان قازاقستاندىق ەكى ازاماتتى ۇستادى.
ۇستالعاندار «فورت ترانزيت» دەپ اتالاتىن ەكى اۆتوكولىكپەن وتۋگە تىرىستى. ال اتالعان تەرىلەر ەكى ماشيناعا 300 دانادان ءبولىنىپ سالىنعان ەكەن.
ۇستاۋ دەرەگى بويىنشا قۇقىق قورعاۋ ورگاندارى حابارلاندىرىلدى. جۇك ۆەتەرينارلىق- سانيتارلىق ينسپەكسياعا تاپسىرىلدى.