12:19, 25 - مامىر 2016 | GMT +5
قىتايدان زاڭسىز 600 كەلى فۋتبولكا الىپ وتپەك بولعان قازاقستاندىق ۇستالدى
استانا. قازاقپارات - «قورعاس» وتكىزۋ پۋنكتىنىڭ قازاقستاندىق شەكاراشىلارى تاۋلىك ىشىندە فۋتبولكا جانە ۇيالى تەلەفون - جۇگىمەن ەكى قازاقستاندىقتى ۇستادى.
ق ر ۇ ق ك ش ق باسپا ءسوز قىزمەتىنىڭ اقپاراتىنا سايكەس قازاقستاننىڭ 24 جاستاعى ازاماتى التى تسەنتنەر فۋتبولكا الىپ وتپەك بولعان. ول حالىقارالىق شەكارا ىنتىماقتاستىعى ورتالىعىنان قازاقستانعا بەت العان.
وسى كۇنى 27 جاستاعى قازاقستاندىق «Samsung» ماركالى 15 ۇيالى تەلەفوندى شەكارادان زاڭسىز وتكىزبەككە ارەكەتتەنگەن. ول دا حالىقارالىق شەكارا ىنتىماقتاستىعى ورتالىعىنان قازاقستانعا وتپەك بولعان. گادجەتتەر جۇك سالعىشتان تابىلدى.
بارلىق فاكتى بويىنشا بىرلەسە ءىس-قيمىل جاسايتىن ورگاندار قىزمەتكەرلەرى حاباردار ەتىلدى.
