يسپانيادا 600 كەلى كونە ريمدىك تەڭگەلەر تابىلدى - فوتو

ارحەولوگتار مونەتالار III عاسىردىڭ سوڭى مەن IV عاسىردىڭ باسىندا جاسالعان دەپ سانايدى. بۇل تۋرالى CNN حابارلادى.

مونەتالار وتكەن اپتانىڭ سارسەنبىسىندە قالا شەتىندەگى ساياباقتىڭ كارىز جۇمىستارى بارىسىندا تابىلعان. جۇمىسشىلار قۇبىر استىنان شۇڭقىر قازىپ جاتقاندا ەكسكاۆاتور كۇرەگى قاتتى نارسەگە تيگەن. جۇمىستى توقتاتىپ شۇڭقىرعا ۇڭىلگەندە وندا كوپتەگەن قيراعان قىش قۇمىرالار بايقالعان. قۇمىرالار ءبىر مەتر تەرەڭدە جاتقان. تابىلعان 19 قىش ىدىستىڭ 10 ى سىنىپ، قالعانى اۋزى جابىلعان كۇيدە بۇلىنبەگەن. عالىمدار ونىڭ ىشىندە نە بار ەكەنىن ازىرگە بىلمەيدى.

سىنعان ىدىستاردا سالماعى 8-10 گرامدىق ون مىڭعا جۋىق قولا تيىندار بولعان. تيىنداردىڭ كەيبىرىنە كۇمىس جالاتىلعان.

سەۆيلەنىڭ ارحەولوگيا مۇراجايىنىڭ ديرەكتورى ان ناۆاررونىڭ ايتۋىنا قاراعاندا، قۇمىرالار ماي نەمەسە شاراپ تاسۋعا ارنالماعان، كىشكەنە. تيىنداردىڭ كوبى سىزىلماعانىنا قاراپ قولدانىلماعان دەپ پايىمدالىپ وتىر. عالىمدار ونى سالىق تولەۋگە نەمەسە اسكەريلەردىڭ اقىسىنا ارنالعان دەپ سانايدى.