وسىدان 600 جىل بۇرىن باتىپ كەتكەن كەمە سۋ بەتىنە شىعارىلدى

استانا. قازاقپارات - نيدەرلاندىدا 600 جىل بۇرىن باتىپ كەتكەن كەمە سۋ بەتىنە شىعارىلدى.

نەگىزى ارحەولوگتار ونى 2011-جىلى تاپقان ەكەن.

الايدا وزەن تۇبىنەن كوتەرمەس بۇرىن تولىقتاي تەكسەرىپ شىعۋدى ۇيعارىپتى. بۇل وقيعا ءۇش ولشەمدى انيماتسيانىڭ كومەگىمەن تۇسىرىلگەن، دەپ حابارلايدى 24.kz.

عالىمدار 20 مەترلىك كەمە ەيسەل وزەنىندەگى سۋ دەڭگەيىن كوتەرۋ ءۇشىن ادەيى باتىرىلعان دەگەن بولجام ايتىپ وتىر. جالپى، سۋ كولىگىن گوللانديالىق كوپەستەر ورتا عاسىرلاردا تاۋار تاسۋ ءۇشىن قولدانعان ەكەن.

«كەمەنىڭ سالماعى 40 تونناعا جەتەدى. ءبىز ونى سۋ بەتىنە كوتەرگەننەن كەيىن عانا انىقتادىق. ونىڭ جاقسى ساقتالعانىن ايتۋ كەرەك. ەندى تاريحقا قاتىستى كوپتەگەن جاڭا مالىمەت الۋعا مۇمكىندىك تۋىپ وتىر»، - دەيدى ارحەولوگ ۆۋتەر ۆالدۋس.