قىتايدىڭ 600 ميلليون دوللار ينۆەستيتسياسى «قورعاس-شىعىس قاقپاسى» ايماعىن دامىتۋعا جۇمسالماق

استانا. قازاقپارات - قىتاي بەرەتىن 600 ميلليون دوللار ينۆەستيتسيا «قورعاس-شىعىس قاقپاسى» ارنايى ەكونوميكالىق ايماعىنىڭ يندۋستريالىق ايماعىن قۇرۋعا باعىتتالادى. بۇل تۋرالى بۇگىن ورتالىق كوممۋنيكاتسيالار قىزمەتىنىڭ باسپا ءسوز ءماسليحاتىندا «قازاقستان تەمىر جولى» ۇلتتىق كومپانياسىنىڭ كولىك لوگيستيكاسىن دامىتۋ ورتالىعى ديرەكتورىنىڭ ورىنباسارى ءابدىر-راشيد ساكەنوۆ ءمالىم ەتتى، دەپ حابارلايدى BNews.kz ءتىلشىسى.

«600 ميلليون دوللارعا ىنتىماقتاستىق مەموراندۋمى جاسالعان بولاتىن. بۇل ينۆەستيتسيانى تسزيانسۋ پروۆينتسياسى بولەدى. قاراجاتتى لوگيستيكالىق جانە يندۋستريالىق ايماققا جۇمساۋدى جوسپارلاپ وتىرمىز. قىتاي شيكىزاتتى يمپورتتاۋعا مۇددەلى، ياعني ءبىزدىڭ شيكىزات قازاقستان اۋماعىندا باستاپقى وڭدەۋدەن وتەدى. ءارى قاراي ول قويمالاردا قاپتالادى نەمەسە كونتەينەرلەرگە، ۆاگوندارعا سالىنىپ، قىتايعا جونەلتىلەدى»، - دەيدى ءا. ساكەنوۆ.

ايتا كەتەيىك، «قورعاس-شىعىس قاقپاسى» ارنايى ەكونوميكالىق ايماعى مەن ش ى ۇ- نىڭ حالىقارالىق لوگيستيكالىق ايماعى جوبالارىن دامىتۋ بويىنشا ستراتەگيالىق ىنتىماقتاستىق كەلىسىمىنە قىركۇيەكتە قازاقستان پرەزيدەنتىنىڭ قىتايعا مەملەكەتتىك ساپارى بارىسىندا قول قويىلعان بولاتىن.

قۇجاتقا ساي قىتاي تاراپى 5 جىل ىشىندە «قورعاس-شىعىس قاقپاسى» ارنايى ەكونوميكالىق ايماعىن دامىتۋعا 600 ميلليون ا ق ش دوللارى كولەمىندە تىكەلەي ينۆەستيتسيا باعىتتايدى.

ايىمگۇل ابىلەۆا