الاكولدىڭ ينفراقۇرىلىمىن دامىتۋعا رەسپۋبليكالىق بيۋدجەتتەن 600 ميلليون تەڭگە ءبولىندى - س. تۇرداليەۆ
بۇل تۋرالى بۇگىن تالدىقورعان قالاسىندا رەسمي فيليالىن اشا وتىرىپ، سول الاڭدا العاشقى بريفينگ وتكىزگەن قر پرەزيدەنتى جانىنداعى ورتالىق كوممۋنيكاتسيالار قىزمەتىنىڭ بريفينگىسىندە الماتى وبلىسى اكىمىنىڭ ورىنباسارى سەرىك تۇرداليەۆ ءمالىم ەتتى.
«جەتىسۋ ءوڭىرى سۇلۋ تابيعاتىمەن ەرەكشەلەنەتىنىن بىلەسىزدەر، سوندىقتان، ءبىزدىڭ وبلىس تۋريزم سالاسىمەن كوزگە تۇسەدى. وسى ايدىڭ سەگىز ايىندا تۋريزم سالاسىندا جاقسى ناتيجەلەر كورسەتتىك. سەگىز ايدا اقىلى تۋريستىك قىزمەتتەردىڭ كولەمى 1,5 ملرد تەڭگەدەن استى. قىزمەت كورسەتىلگەن تۋريستەر سانى 150 مىڭ ادامنان اسقان. بيىل تۋريستەر كوپ بارعان ورىن - الاكول بولدى. ءبىز «قازاقستان تەمىر جولى» ۇلتتىق كومپانياسىمەن ۋاعدالىستىق بويىنشا الماتى قالاسىنان كوكتۇما ستانتسياسىنا دەيىن تىكەلەي پويىزدى سۋبسيديالادىق. وبلىستىق بيۋدجەتتەن بۇل جۇمىسقا 67 ملن تەڭگە ءبولىندى»، - دەپ حابارلادى اكىم ورىنباسارى.
س. تۇرداليەۆ سونداي- اق، الاكولدىڭ ينفراقۇرىلىمى كۇردەلى جوندەۋدى جانە دامىتۋدى قاجەت ەتەتىنىن جاسىرمادى.
«الاكول ماڭىنداعى ينفراقۇرىلىمدى دامىتۋ كەرەك الاكول جاعاسىنداعى ينفراقۇرىلىمدى جاقسارتۋ ءۇشىن رەسپۋبليكالىق بيۋدجەتتەن «بيزنەستىڭ جول كارتاسى» باعدارلاماسى اياسىندا 600 ملن تەڭگە بولىنگەن. جەرگىلىكتى بيۋدجەتتەن 307 ملن تەڭگە جول سالۋعا ءبولىندى. سوندىقتان، كەلەسى دەمالىس ماۋسىمىندا الاكولدىڭ ينفراقۇرىلىمى الدەقايدا جاقسى دەڭگەيدە بولادى. سونىمەن قاتار، ءۇشارال قالاسىنىڭ اۋەجايىندا جاڭا تەرمينالدىڭ قۇرىلىسى ءجۇرىپ جاتىر، - دەپ حابارلادى ول.
اۆتور: كەنجەكەي توقتامۇرات قىزى
