تۇركيادا ەكى كۇننىڭ ىشىندە سودىر دەلىنگەن 600 گە جۋىق ادام ۇستالدى
تۇركيانىڭ پرەمەر- ءمينيسترى احمەت داۆۋتوعلۋ ۇستالعانداردىڭ كۇردىستانداعى تىيىم سالىنعان جۇمىس پارتياسىنىڭ، د ا ي ش پەن باسقا دا ۇيىمداردىڭ مۇشەلەرى ەكەنىن مالىمدەدى.
داۆۋتوعلۋدىڭ ايتۋىنشا، تۇرىك اسكەرلەرى سيرياداعى د ا ي ش پەن يراكتىڭ سولتۇستىگىندەگى كۇرت سودىرلارىنا اۆياسوققى جاساۋدى باستادى. «ءبىزدىڭ تاباندىلىعىمىزعا ەشكىم كۇمان تۋدىرماسىن. ءبىز تۇركيانى زاڭسىزدىق ەلى ەتۋگە جول بەرمەيمىز»، - دەدى ول.
23 -شىلدەدە انكارادا ۇلتتىق قاۋىپسىزدىك جونىندە جيىن ءوتتى. وتىرىس سۋرۋچ قالاسىنداعى وقيعا، ءۇش پوليتسەيدىڭ ءولتىرىلۋى جانە سيريامەن شەكارادا تۇرىك اسكەرلەرىنىڭ د ا ي ش مۇشەلەرىمەن سوقتىعىسۋىنىڭ كوبەيۋىنەن كەيىن ەلدەگى جاعدايدىڭ شيەلەنىسۋىنە وراي ءوتتى. سوڭعى مالىمەت بويىنشا، سۋرۋچتا قازا تاپقانداردىڭ سانى 32 گە جەتتى، 100 دەن استام ادام جاراقات الدى.
