10:28, 18 - مامىر 2015 | GMT +5
قازاقستان- قىتاي شەكاراسىنان 600 كەلى بالدى الىپ وتپەك بولعان ازامات ۇستالدى
استانا. قازاقپارات - قازاقستان- قىتاي شەكاراسىنان جارتى توننادان استام بالدى الىپ وتپەك بولعان قىتايلىق ازامات ۇستالدى.
«ەلىمىزدىڭ شىعىسىندا ورنالاسقان «قالجات» باقىلاۋ- وتكىزۋ بەكەتىنىڭ باقىلاۋشىلارى ەلىمىزدەن كورشىلەس مەملەكەتكە ارا بالىن زاڭسىز جولمەن اكەتىپ بارا جاتقان قىتايلىق ازاماتتى ۇستادى. ونىڭ اۆتوكولىگىن قاراۋ كەزىندە ودان سالماعى 600 كەلىدەن اساتىن بال تابىلدى» ، دەپ حابارلايدى ق ر ۇ ق ك شەكارا قىزمەتىنىڭ باسپا ءسوز قىزمەتىنەن.
قازىرگى ۋاقىتتا اتالعان كونتراباندالىق جۇك ۆەتەرينارلىق قىزمەتكە بەرىلدى.
