اسقار مامين: 600 مىڭ پەداگوگتىڭ جالاقىسى 25 پايىزعا ارتادى

نۇر- سۇلتان. قازاقپارات - 600 مىڭ پەداگوگتىڭ جالاقىسى 25 پايىزعا ارتادى. بۇل تۋرالى ق ر پرەمەر- ءمينيسترى اسقار مامين ايتتى، دەپ حابارلايدى قازاقپارات ءتىلشىسى.

«بيىل بيۋدجەت سالاسى قىزمەتكەرلەرىنىڭ جالاقىسىن كوتەرۋ جالعاساتىن بولادى. 600 مىڭ پەداگوگ ءۇشىن جالاقىنىڭ 25 پايىزعا، 247 مىڭ مەديتسينا قىزمەتكەرلەر ءۇشىن بىلىكتىلىك دەڭگەيىنە بايلانىستى 20-دان 30 پايىزعا دەيىن كوتەرىلۋى قامتاماسىز ەتىلەدى»، - دەدى پرەمەر- مينيستر ۇكىمەتتىڭ كەڭەيتىلگەن وتىرىسىندا.

ۇكىمەت باسشىسىنىڭ اتاپ وتۋىنشە، الەۋمەتتىك قىزمەتكەرلەردىڭ، ناقتى ايتقاندا 21 مىڭ ادامنىڭ لاۋازىمدىق جالاقىسى 50 پايىزعا ارتاتىن بولادى.

اۆتور: مارلان جيەمباي