الماتىدا 60 جاستان اسقان 59,5 مىڭ ادام ۆاكسينالاندى

الماتى. قازاقپارات - الماتى قالاسىندا ءبىر تاۋلىكتە 10725 ادام كوروناۆيرۋسقا قارسى ۆاكسينا سالدىردى، دەپ حابارلايدى قازاقپارات ءتىلشىسى.

قوعامدىق دەنساۋلىق ساقتاۋ باسقارماسى تاراتقان مالىمەتكە سايكەس، 25-ماۋسىم كۇنى 10725 الماتىلىق ۆاكسينا سالدىردى. بيىلعى جىلدىڭ 1-اقپانى مەن 25-ماۋسىم ارالىعىندا قالادا بارلىعى 413703 ادامعا ەكپە سالىندى.

ۆاكسينا العانداردىڭ جالپى سانىنان 60 جاستان اسقان قارت كىسىلەر - 59590.

قالادا 208 پۋنكت جۇمىس ىستەپ تۇر. 1256 ادامنان تۇراتىن 307 ەگۋ بريگاداسى بار. سونىمەن قاتار، 40 كوشپەلى ءموبيلدى بريگادا ۇيىمداستىرىلدى.

«قازىرگى مەديتسينالىق ۇيىمداردا، مەكتەپتەردە، مادەنيەت، سپورت وبەكتىلەرىندە، بازارلار مەن قالانىڭ س و س و- دا ۆاكسيناتسيا پۋنكتى جۇمىس ىستەيدى» - دەپ ناقتىلادى ۆەدومستۆودان.

«قالا بويىنشا ۆاكسينانىڭ قالدىعى - ءبىرىنشى كومپونەنتتىڭ 51847 دوزاسى جانە ەكىنشى كومپونەنتتىڭ 105279 دوزاسى بار» - دەپ حابارلادى الماتى قالاسى قوعامدىق دەنساۋلىق باسقارماسىنىڭ باسپا ءسوز قىزمەتى.

اۆتور: الما مۇقانوۆا