15:00, 23 - جەلتوقسان 2016 | GMT +5
قىتاي 60 جاستان اسقان 220 ميلليون قارت ءۇشىن قىزمەت نارىعىن اشۋعا ءماجبۇر
استانا. قازاقپارات - 2020 -جىلعا قاراي قىتاي قارتتارعا قامقورلىق كورسەتۋ بويىنشا ءوز نارىعىن تولىق اشادى. بۇل تۋرالى ق ح ر مەملەكەتتىك كەڭەسىنىڭ كەڭسەسى مالىمدەدى، دەپ حابارلادى شينحۋا.
بۇل قادام نارىقتاعى قىزمەت پەن ءونىم ۇسىنىسىن ايتارلىقتاي ۇلعايتۋعا، قاعيدالاردى رەتتەۋگە جانە قىزمەت ساپاسىن جاقسارتۋعا مۇمكىندىك بەرەدى، دەلىنگەن مالىمدەمەدە. شەتەلدىك ينۆەستيتسيالار ءۇشىن اتالعان نارىق قولجەتىمدى بولادى جانە رۇقسات بەرۋ بويىنشا اكىمشىلىك ۇدەرىستەر جەڭىلدەتىلەدى. بۇگىنگى تاڭدا حالىقتىڭ قارتايۋى قىتاي ءۇشىن وزەكتە ماسەلە بولىپ وتىر. قازىرگى ۋاقىتتا ەلدەگى 220 ميلليون حالىق 60 جاستان اسقان، بۇل كورسەتكىش ەلدەگى تۇرعىنداردىڭ 16,1 پايىزىن قۇرايدى جانە كۇننەن- كۇنگە قارقىندى ءوسىپ كەلەدى.
