6-ناۋرىز كۇنى 9 وڭىردە دابىل جۇيەسى قوسىلادى
9 وڭىرىندە 6-ناۋرىزدا ساعات 11.00 دە بارلىق دىبىستىق ەلەكتر دابىلدارى قوسىلادى. بۇل تۋرالى توتەنشە جاعدايلار مينيسترلىگىنىڭ باسپا ءسوز قىزمەتى حابارلادى.
- 6-7-ناۋرىزدا ەلىمىزدىڭ سولتۇستىك، شىعىس جانە ورتالىق وڭىرلەرىندە «سۋ تاسقىنى كەزەڭى جاعدايلارىنداعى توتەنشە جاعدايلاردى جويۋ كەزىندەگى ءىس-قيمىلدارعا ازاماتتىق قورعاۋدىڭ مەملەكەتتىك جۇيەسىنىڭ باسقارۋ ورگاندارىن، كۇشتەرى مەن قۇرالدارىن دايىنداۋ» تاقىرىبى بويىنشا «كوكتەم-2025» رەسپۋبليكالىق كوماندالىق-شتابتىق وقۋ-جاتتىعۋدىڭ 2-كەزەڭى وتەدى، - دەلىنگەن حابارلامادا.
وقۋ ۇيلەستىرۋ جانە جەتەكشىلىك ەتۋ جونىندەگى رەسپۋبليكالىق شتاب قوستانايدا ورنالاسادى. وقۋ- جاتتىعۋ شەڭبەرىندە ەكى كۇن بويى استانا قالاسىندا، اقمولا، شىعىس قازاقستان، قوستاناي، قاراعاندى، پاۆلودار، سولتۇستىك قازاقستان، اباي جانە ۇلىتاۋ وبلىستارىندا پروفيلاكتيكالىق ءىس-شارالار كەشەنى وتكىزىلەدى.
- سونىمەن قاتار «بارشانىڭ نازارىنا!» دابىلى بويىنشا اۋماقتىق دەڭگەيدەگى قۇلاقتاندىرۋ جۇيەسىنىڭ دايىندىعىن تەكسەرۋ ماقساتىندا ەلىمىزدىڭ 9 وڭىرىندە 2025-جىلعى 6-ناۋرىزدا ساعات 11.00 دە بارلىق دىبىستىق ەلەكتر دابىلدارى قوسىلاتىن بولادى. وسىعان وراي تىنىشتىق ساقتاپ، ۇرەيگە بوي الدىرماۋلارىڭىزدى سۇرايمىز، - دەلىنگەن ت ج م حابارلاماسىندا.
ەسكە سالساق جەر سىلكىنگەندە الا شىعاتىن «دابىل شابادانىنا» نە سالۋ كەرەكتىگى تۋرالى جازعان ەدىك.
