16:50, 18 - مامىر 2016 | GMT +5
يندۋستريالاندىرۋدىڭ 6 جىلىندا بارلىق وڭىرلەردە 900 كاسىپورىن ىسكە قوسىلدى - ق ر پرەزيدەنتى
استانا. قازاقپارات - «يندۋستريالاندىرۋدىڭ التى جىلىنىڭ قورىتىندىسى بويىنشا بارلىق وڭىرلەردە شامامەن 900 كاسىپورىن ىسكە قوسىلدى»، - دەپ اتاپ ءوتتى ەلباسى نۇرسۇلتان نازاربايەۆ اقوردادا ءوتىپ جاتقان مەملەكەتتىڭ 4 ايداعى الەۋمەتتىك-ەكونوميكالىق دامۋىنىڭ قورىتىندىلارىنا ارنالعان كەڭەستە.
تاپ سولاردىڭ جۇمىسى قازىرگى جاعدايدا ءبىزدىڭ ەكونوميكامىزعا قولداۋ كورسەتتى.
بۇل تۋرالى اقوردانىڭ تۆيتتەردەگى پاراقشاسىندا حابارلاندى.
ايتا كەتۋ كەرەك، يندۋستريالاندىرۋ - ءىرى ونەركاسىپتى، ەڭ الدىمەن اۋىر ونەركاسىپتى قۇرۋ جانە دامىتۋ، ءىرى ونەركاسىپتىك ءوندىرىس نەگىزىندە بۇكىل حالىق شارۋاشىلىعىن قايتا قۇرۋ. يندۋستريالاندىرۋ تەك سوتسياليستىك قۇرىلىسقا عانا ءتان كەزەڭ ەمەس. ول - ەلدى جاڭعىرتۋدىڭ مىندەتتى شارتى.
