شاعىن جانە ورتا بيزنەسكە نەسيە 6-7 پايىزبەن بەرىلۋى ءتيىس - نۇرتاي سابيليانوۆ
«پرەزيدەنتتىڭ قاتىسۋىمەن وتكەن ۇكىمەت كەڭەسىندە كوپ دۇنيە ايتىلدى. مەملەكەت باسشىسى ەلدە بولىپ جاتقان جاعدايلارعا قاتىستى ءوز كوزقاراسىن ءبىلدىرىپ، ناقتى تاپسىرمالار بەردى. باستى ماقسات - حالىقتىڭ ءومىر ساپاسىن ارتتىرۋ. ول ءۇشىن ەكونوميكانى دامىتۋ قاجەت. ەكونوميكا وڭتايلاندىرىلسا، تيىسىنشە بيۋجەتكە تۇسەتىن قارجى دا كوبەيە تۇسەدى. ءبىراق، ءىس ناقتى بولۋى كەرەك. ەگەر ءبىز شاعىن جانە ورتا بيزنەستى دامىتامىز دەسەك، جەڭىلدەتىلگەن نەسيە بەرىلۋى كەرەك. تۇراقتى ءارى 6-7 پايىزدان اسپاۋى ءتيىس. ايتپەسە قازىرگى پايىزبەن ەشقاشان ەكونوميكامىزدى دا، كاسىپكەرلىكتى دە دامىتا المايمىز»، - دەدى نۇرتاي سابيليانوۆ Jibek Joly تەلەارناسىنداعى «JJ Talk» باعدارلاماسىنىڭ ەفيرىندە.
سونىمەن قاتار حالىق قالاۋلىسى جەرگىلىكتى اتقارۋشى ورگانداردىڭ جۇمىسىنا قاتىستى ويىن ورتاعا سالدى.
«ءبىز اۋدان-اۋىلداردى ارالاپ، حالىقتىڭ ماسەلەسىن تىڭداپ، ونى ۇكىمەتتىڭ الدىندا كوتەرەمىز. وسى جەردە ۇكىمەت مۇشەلەرى، اكىمدەر نەگە حالىق اراسىنا بارىپ، ولاردىڭ ماسەلەسىن وزدەرى شەشپەيدى؟ بۇل باعىتتا ۇكىمەت، جەرگىلىكتى اتقارۋشى ورگاندار جانە پارلامەنت بىرلەسىپ جۇمىس ىستەسەك جۇمىس ناتيجەلى بولادى»، - دەيدى ول.
