زاڭسىز بالىق اۋلاعان ەرلى-زايىپتىلار 6 جانە 7 جىلعا سوتتالدى
وتكەن جىلدىڭ جازىندا جەدەل- ىزدەستىرۋ ءىس- شارالارىنىڭ ناتيجەسىندە وبلىستىق پوليتسيا دەپارتامەنتىنىڭ جەدەل ۋاكىلدەرى شاردارا سۋ قويماسىندا بىرنەشە جىل براكونەرلىكپەن اينالىسىپ كەلگەن قىلمىستىق توپتى ۇستاعان بولاتىن. كۇدىكتىلەردەن 13 قايىق پەن بالىق اۋلاۋ قۇرالدارى، ەكى تونناعا جۋىق جاڭا اۋلانعان جانە ىستالعان بالىق تاركىلەندى.
مەملەكەتكە كەلتىرىلگەن ماتەريالدىق شىعىن 8 ميلليون تەڭگەدەن استى. بۇل جايتتى پوليتسيا قىزمەتكەرلەرى ق ر ق ك-نىڭ 335-بابى («بالىق رەسۋرستارىن، باسقا دا سۋ جانۋارلارىن نەمەسە وسىمدىكتەرىن زاڭسىز الۋ») جانە ق ر ق ك-نىڭ 380-بابى («بيلىك وكىلىنە قاتىستى كۇش قولدانۋ») بويىنشا سوتقا دەيىنگى تەرگەپ-تەكسەرۋ تىزىلىمىنە تىركەدى.
«ءۇش كۇدىكتى ەر ادامدى بىردەن سوت قاماۋعا الدى، ال قالعان 7 ەۋى «ەشقايدا كەتپەۋ» تۋرالى قولحاتپەن بوساتىلدى»، - دەدى اسا ماڭىزدى ىستەر جونىندەگى اعا تەرگەۋشى التىناي جولىمبەكوۆا.
تەرگەۋشىگە سىراپتامالاردىڭ تولىق كەشەنىن وتكىزۋگە 3 ايدان استام ۋاقىت قاجەت بولعان. ناتيجەسىندە 10 ادامنىڭ ۇستىنەن قوزعالعان قىلمىستىق ءىس 23 تومدى، ونىڭ ىشىندە 4 مىڭ پاراقتى قۇرادى. ايىپتاۋ ءىسى 2020 -جىلدىڭ قاراشا ايىندا سوتقا جىبەرىلدى. سوت 7 ايدان كەيىن ءوز شەشىمىن شىعاردى. وعان سايكەس، جەتىساي اۋدانىنىڭ تۇرعىندارى 44 جانە 42 جاستاعى ەرلى- زايىپتى مەن 51 جاستاعى ايەل - 6 جىلعا، 32 جاستاعى ەر ادام 7 جىلعا سوتتالدى. «ايەلدەرگە قاتىستى بوستاندىعىنان ايىرۋ ۇكىمى ولاردىڭ كامەلەتكە تولماعان بالالارى 14 جاسقا كەلگەننەن كەيىن كۇشىنە ەنەدى. ال براكونەرلەردىڭ قىلمىستىق توبىنىڭ قالعان مۇشەلەرى ق ر ق ك-نىڭ 65-بابىنا سايكەس كەلتىرىلگەن زالالدى وتەۋ جانە كىنانى مويىنداۋى، شىن وكىنۋىنە بايلانىستى قىلمىستىق جاۋاپكەرشىلىكتەن بوساتىلدى»، - دەپ اتاپ ءوتتى اسا ماڭىزدى ىستەر جونىندەگى اعا تەرگەۋشى، پوليتسيا مايورى التىناي جولىمبەكوۆا.
