17:05, 17 - ءساۋىر 2023 | GMT +5
استانادا بومبا تۋرالى جالعان اقپاراتتىڭ كەسىرىنەن ۇشاق 6,5 ساعاتقا كەشىگىپ ۇشتى
استانا. قازاقپارات - استانا- الماتى باعىتىنداعى KC996 رەيسىندە جولاۋشىلاردىڭ ءبىرى ەكيپاجعا ۇشاقتا بومبا بار ەكەنىن ايتقان، دەپ حابارلايدى قازاقپارات Air Astana كومپانياسىنىڭ باسپا ءسوز قىزمەتىنە سىلتەمە جاساپ.
جولاۋشىلار مەن ەكيپاج شتاتتى رەجيمدە ەۆاكۋاتسيالاندى.
اۋە كەمەسى تەكسەرىلدى. رەيس 6 ساعات 29 مينۋتقا كەشىكتى.
اۋە كومپانياسى اتالعان رەيستىڭ جولاۋشىلارىن تاماقپەن قامتاماسىز ەتتى.
بومبا تۋرالى اقپارات راستالمادى. جالعان اقپارات تاراتقان جولاۋشى قۇقىق قورعاۋ ورگاندارىنا بەرىلىپ، 273-باپ بويىنشا قىلمىستىق ءىس قوزعالدى.
