قىتايدا كۇشى 6,5 بالدىق جەر سىلكىنىسى ورىن الدى

استانا. قازاقپارات - قىتايدىڭ يۋننان پروۆينتسياسىندا جەر سىلكىنىسى سالدارىنان ءبىر ادام قازا بولىپ، 324- ءى جاراقاتتاندى. ق ح ر ازاماتتىق اكىمشىلىك مينيسترلىگىنىڭ مالىمەتتەرىنە سۇيەنگەن يتار- ت ا س  زارداپ شەككەندەردىڭ سەگىزىنىڭ جاعدايلارى اۋىر دەپ حابارلادى.

كۇشى 6,6 بالل بولاتىن جەر استى ءدۇمپۋى سەيسەنبى كەشكە پۋەر قالالىق اۋدانىنىڭ جينگۋ ۋەزىندە بولدى. جەر سىلكىنىسىنىڭ وشاعى 5 شاقىرىم تەرەڭدىكتە ورنالاسقان.

اپاتتان زارداپ شەككەن اۋداندا ءبىرقاتار ۇيلەر قيراعان نەمەسە زاقىم كەلگەن. سۋ جانە ەنەرگيامەن قامتۋ جالپى بۇزىلماعان. جەرگىلىكتى بيلىكتەگىلەر پۋەرعا 10,6 مىڭ شاتىر، كورپە مەن كيىم جىبەردى.

ەسكە سالا كەتەيىك، وسى جىلدىڭ 3 - تامىز ايىندا لۋديان ۋەزىندە بولعان كۇشى 6,5 بالدىق جەر سىلكىنىسىنەن يۋننان پروۆينتسياسىنىڭ 600 دەن استام تۇرعىنى قازا بولدى.