قىزىلورداداعى اتىس - 6 كۇدىكتى ۇستالىپ، 4-ۋىنە ىزدەۋ جاريالاندى - ۆيدەو
قىزىلوردا. قازاقپارات - قىزىلوردادا بولعان اتىسقا قاتىستى 6 كۇدىكتى ۇستالىپ، 8 قىلمىستىق ءىس قوزعالدى، دەپ حابارلايدى قازاقپارات ءتىلشىسى.
7-مامىردا قىزىلوردا قالاسىندا ءبىر توپ ادام اراسىندا اتىس بولىپ، سالدارىنان 3 ازامات كوز جۇمعان بولاتىن. وسىعان بايلانىستى جەدەل- ىزدەستىرۋ ءىس- شارالارى جۇرگىزىلدى.
«ناتيجەسىندە 6 كۇدىكتى ۇستالىپ، تاعى 4-ۋىنە ىزدەۋ جاريالاندى. وقيعا بولعان جەردى تەكسەرۋ بارىسىندا جانە كۇدىكتىلەردىڭ تۇرعىلىقتى مەكەنجايىنان بەس قارۋ-جاراق، بىرنەشە وق-ءدارى، ەسىرتكى تاركىلەندى. وعان قوسا 7 اۆتوكولىك ايعاق زات رەتىندە الىنىپ، ءتيىستى ساراپتامالار تاعايىندالدى. بارلىق قاتىسۋشىنىڭ جەكە باسى انىقتالدى. جابىرلەنۋشى تاراپتىڭ قاۋىپسىزدىگى قامتاماسىز ەتىلدى. بۇل بويىنشا سەگىز قىلمىستىق ءىس قوزعالدى. اتاپ ايتقاندا، ادام ءولتىرۋ بويىنشا – 2، بۇزاقىلىق بويىنشا – 2، قارۋدىڭ زاڭسىز اينالىمى بويىنشا - 3 ءىس جانە ەسىرتكىنىڭ زاڭسىز اينالىمى بويىنشا ءبىر ءىس تىركەلدى»، - دەدى قىزىلوردا وبلىسىنىڭ پوليتسيا دەپارتامەنتى باستىعىنىڭ ورىنباسارى بايجان بايگەلدى.
ۆەدومستۆو مالىمەتىنشە، قىلمىستىق ءىستىڭ ءمان- جايى جان- جاقتى تەكسەرىلۋدە. تەرگەپ- تەكسەرۋ تولىق جانە وبەكتيۆتى تۇردە جۇرگىزىلىپ جاتىر.
اۆتور: ءادىلجان ۇمبەت
