ا ق ش- تىڭ ەكس- پرەزيدەنتى رەيگاننىڭ ءۇيى $6,45 ميلليون ساتىلدى

استانا. قازاقپارات - ا ق ش- تىڭ بۇرىنعى پرەزيدەنتى رونالد رەيگاننىڭ لوس- اندجەلەستىڭ ليتتل- حولمبي اۋدانىنداعى ءۇيى $6,45 ميلليون ساتىلدى. بۇل تۋرالى جۇما كۇنى Los Angeles Times گازەتى حابارلادى.

باسىلىمنىڭ دەرەگى بويىنشا، ەكىقاباتتى عيماراتتان جاسالعان رەزيدەنسيا 1938 -جىلى سالىنعان. رەيگان بۇل ءۇيدى 40- جىلدارى ساتىپ الىپ، ءبىرىنشى جۇبايى، اكتريسا دجەين ۋايمانمەن بىرگە ءومىر سۇرگەن. 1949 -جىلى ەكەۋى اجىراسقاننان كەيىن ءۇي جۇبايىنا قالعان. اكتريسا بۇل ۇيدە ەكىنشى كۇيەۋىمەن دە تۇرعان. الايدا، گازەتتە 2007 -جىلى ۋايمان كوز جۇمعاننان كەيىن رەزيدەنسيانى كىم يەلەنگەنى جازىلماعان.

ءۇي وسى جىلدىڭ ماۋسىمىندا $7 ميلليون سوماعا ساتىلىمعا شىعارىلعان. كىمنىڭ ساتىپ العانى حابارلانباعان.

رونالد رەيگان - امەريكالىق ساياسي جانە مەملەكەت قايراتكەرى. ا ق ش- تىڭ 40- پرەزيدەنتى (1981-1989).