20:08, 19 - قىركۇيەك 2016 | GMT +5
قاراعاندىدا 6- سىنىپ وقۋشىسى اباي مەن شاكارىمنىڭ 300 دەن استام تۋىندىسىن جاتقا بىلەدى
استانا. قازاقپارات - XVII رەسپۋبليكالىق اباي وقۋلارىنا قاتىسقان قاراعاندىلىقتاردىڭ جەتىستىگى جايلى وبلىستىق ءبىلىم بەرۋ باسقارماسىنىڭ باسپا ءسوز قىزمەتىندە ايتتى.
«قاراعاندى وبلىسىنان رەسپۋبليكالىق جارىسقا 6 وقۋشى قاتىستى. ولار «ولەڭ ءسوزدىڭ پاتشاسى، ءسوز ساراسى» - اباي مەن شاكارىم تۋىندىلارىن وقۋ بايقاۋى، «كوڭىلىم ءاندى ۇعادى» - اباي مەن شاكارىم اندەرى مەن كۇيلەرىن ورىنداۋ، «جۇيرىكتەن جۇيرىك وزار جارىسقاندا» - جاس دارىندار بايقاۋى اتتى ءۇش نوميناتسيادا ءوتتى. قاتىسۋشىلار ءوز ولەڭدەرىن دە وقىدى. ءبىزدىڭ كوماندا جەڭىسپەن ورالدى»، - دەپ حابارلادى باسقارما باسپا ءسوز قىزمەتى.
ءبىرىنشى ورىندى بۇقار جىراۋ اۋدانىنداعى روستوۆ مەكتەبىنىڭ 6- سىنىپ وقۋشىسى ءنازيرا مەدەت الدى. «ول اباي مەن شاكارىمنىڭ 327 تۋىندىسىن جاتقا بىلەدى: 203 ولەڭ، 3 پوەما، 20 قارا ءسوزى، شاكارىمنىڭ 101 ولەڭى. ول ءادىلقازىلار القاسىن دارىنىمەن، اكتەرلىك شەبەرلىگىمەن تاڭ قالدىردى»، - دەپ اتاپ ءوتتى باسپا ءسوز قىزمەتىندە.
