بيىل مەملەكەتتىك بيۋدجەتكە 6,1 تريلليون تەڭگە سوماسىندا كىرىس كىردى
«مەملەكەتتىك بيۋدجەتكە 6,1 تريلليون تەڭگە سوماسىندا كىرىس ءتۇستى نەمەسە جوسپار 104,6 پايىزعا ورىندالدى. رەسپۋبليكالىق بيۋدجەتكە 4 تريلليون تەڭگە كىرىس كىردى. جوسپار 92,3 پايىزعا اتقارىلدى. اتقارىلماعان بولىگى 336 ميلليارد تەڭگەنى قۇرادى. اتاپ ايتقاندا، سالىقتار بويىنشا جوسپاردىڭ 369 ميلليارد تەڭگەگە ورىندالماۋى نەگىزىنەن كورپوراتيۆتىك تابىس سالىعىنىڭ، شيكى مۇنايعا ەكسپورتتىق كەدەندىك باجدىڭ جانە قوسىمشا قۇن سالىعىنىڭ ەسەبىنەن قالىپتاستى»، - دەدى ول.
ءمينيستردىڭ اتاپ وتۋىنشە، كورپوراتيۆتىك تابىس سالىعى بويىنشا جوسپاردىڭ ورىندالماۋى 2023 -جىلدىڭ 4-ايىندا 258 ءىرى سالىق تولەۋشى بويىنشا مالىمدەلگەن اۆانستىق تولەمدەر سوماسىنىڭ وتكەن جىلدىڭ وسىعان ۇقساس كەزەڭىمەن سالىستىرعاندا 33 پايىزعا نەمەسە 86 ميلليارد تەڭگەگە ازايۋىنا بايلانىستى.
سونداي- اق، وعان نەگىزگى ەكسپورتتىق تاۋارلار باعاسىنىڭ ورتاشا 12 پايىزعا تومەندەۋى اسەر ەتتى. شيكى مۇنايعا ەكسپورتتىق كەدەندىك باج بويىنشا جوسپاردىڭ نەگىزگى ورىندالماۋى ەكسپورتتىق كەدەندىك باجدىڭ ناقتى قالىپتاسقان ستاۆكاسىنىڭ بولجامدى كورسەتكىشىنەن 14,7 پايىزعا تومەندەۋىمەن بايلانىستى بولدى.
قوسىلعان قۇن سالىعى بويىنشا جوسپاردىڭ ورىندالماۋىنىڭ سەبەپتەرى: تاۋار، جۇمىس جانە قىزمەتتەردى وتكىزۋ بويىنشا اينالىم سوماسىنىڭ 13 پايىزعا كەمۋى، قوسىلعان قۇن سالىعى بويىنشا قايتارىمىنىڭ 37 پايىزعا ارتۋى، ەۋرازيا ەكونوميكالىق وداعى ەلدەرىمەن يمپورت كولەمىنىڭ 7 پايىزعا تومەندەۋى.
«جەرگىلىكتى بيۋدجەت كىرىسى 140 پايىزعا اتقارىلدى جانە 2,1 تريلليون تەڭگەنى قۇرادى. جوسپار 607 ميلليارد تەڭگەگە، ونىڭ ىشىندە سالىق بويىنشا 565 ميلليارد تەڭگەگە اسىرا ورىندالدى. كىرىس بويىنشا جوسپار بارلىق وڭىردە اسىرا ورىندالىپ وتىر»، - دەدى ەرۇلان جاماۋبايەۆ.
