جامبىل وبلىسى بۋرىل اۋىلىندا 6 جاسار بالانى ولتىرگەن قىلمىسكەر 12 جىلعا سوتتالدى

تاراز. قازاقپارات - بۇگىن تارازدا جامبىل وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا بايزاق اۋدانى بۋرىل اۋىلىنىڭ تۇرعىنىنا قاتىستى سوت ۇكىمى جاريالاندى.

ەسكە سالا كەتەيىك، 15- اقپاندا جامبىل وبلىسىنداعى بايزاق اۋدانىنىڭ بۋرىل اۋىلىنداعى جەكەمەنشىك ۇيدە 6 جاسار الماز دۇيسەنبەكتىڭ زورلىق بەلگىلەرى بار دەنەسى تابىلدى. 16- اقپاندا قىلمىستى جاسادى دەگەن كۇدىكپەن وتباسىنىڭ كورشىسى 17 جاستاعى دۋرسۋن كاۆازوگلى ۇستالدى، ول كىناسىن مويىندادى. وعان ق ر قىلمىستىق كودەكسىنىڭ 99-بابىنىڭ 2-بولىمىندەگى 14-تارماقشاسى (كامەلەتتىك جاسقا جەتپەگەندى ادەيى ءولتىرۋ) بويىنشا ايىپ تاعىلدى. قىلمىستىڭ كوز جۇمعان بالانىڭ وتباسىنىڭ مۇلكىن ۇرلاۋ ىسىنە بايلانىستى بولعانى انىقتالدى.

6 جاسار الماز دۇيسەنبەكتىڭ ولىمىنە قاتىستى تەرگەۋ ق ر ءى ءى م باقىلاۋىندا بولدى.

جامبىل وبلىستىق سوتىنىڭ باسپا ءسوز قىزمەتىنەن حابارلاعانداي، سوتتا د. كاۆازوگلى ەكى باپ - ادام ءولتىرۋ جانە توناۋ بويىنشا ايىپتى دەپ تانىلدى. سوت ۇكىمىمەن ول 12 جىلعا بوستاندىعىنان ايىرىلدى. جازاسىن قاتاڭ تارتىپتەگى تۇرمەدە وتەيتىن بولادى.

ۇكىم زاڭدى كۇشىنە ەنگەن جوق.