استانادا 6-12 جاس ارالىعىنداعى بالالارعا ارنالعان فۋتبول ورتالىعى اشىلادى
«جاس باتىر» سپورت كەشەنىنىڭ ينفراقۇرىلىمى جاتتىعۋ جۇمىستارىن جۇرگىزۋ ءۇشىن قولايلى ەتىپ جاسالعان.
ورتالىقتا بالالار مەن جاسوسپىرىمدەردى جاتتىقتىرۋ ساناتتارىنا يە كاسىبي باپكەرلەر جۇمىس ىستەيدى. مۇندا بالالار فۋتبولدى مەكتەپتەگى ءپان ءتارىزدى ۇيرەنەتىن بولادى. سونداي-اق جاس فۋتبولشىلاردى تاربيەلەيتىن باسقا دا ساباقتار وتەدى (جەكە فۋتبول ادىستەرى تەحنيكاسى، تاكتيكالىق قارىم-قاتىناس). بولاشاقتا بالالار جاتتىعۋ بارىسىندا ۇيرەنگەن داعدىلارىن قالالىق جانە رەسپۋبليكالىق جارىستاردا ءىس جۇزىندە قولدانا الادى.
جاتتىعۋ جازعى دەمالىس كەزىندە دە توقتاتىلمايدى. جازدا اشىق الاڭدا وتەتىن جاتتىعۋلار بالالاردىڭ اعزاسىنا وڭ اسەرىن تيگىزەدى، ال كوماندالىق ويىن ءتىل تابىسۋ داعدىلارىن دامىتۋعا سەپ بولادى.
بالالار فۋتبول ورتالىعىنا 6 جاستان 12 جاسقا دەيىنگى بالعىندار قابىلدانادى. سپورتپەن اينالىسۋعا مەديتسينالىق تۇرعىدا جارامدى بالالار الدىن الا تەكسەرۋسىز الىنادى.
ورتالىقتا ءبىر ايلىق وقىتۋ باعاسى - 15000 تەڭگە، ال ءۇش ايعا بىردەن اقى تولەگەن جاعدايدا - 12000 تەڭگەنى قۇرايدى.
