الماتىدا 5G جەلىسى سىناقتان وتكىزىلىپ جاتىر

باسقارما باسشىسىنىڭ سوزىنشە، مەملەكەت تەستىلەۋگە ارنالعان جيىلىك دياپازونىن ۇلعايتۋعا مۇمكىندىك بەرگەن. ال ارى قاراي جەلى ۇستايتىن اۋماقتى كەڭەيتۋ ۇيالى بايلانىس وپەراتورلارىنىڭ قولىندا.

«ەگەر تۇتىنۋشىعا ترافيك كولەمىن ودان ءارى ارتتىرۋ قاجەت بولسا، ول بايلانىس وپەراتورلارىنا جۇگىنەدى. بۇگىنگى كۇنى ءبىز Smart Point، مەدەۋ، شىمبۇلاق، كوكتوبە، «كاۋسار» بيزنەس ورتالىعى جانە حالىق كوپ جينالاتىن تاعى ەكى نۇكتەدە 5G جەلىسىن سىناقتان وتكىزدىك»، - دەدى ول.

ول سونداي-اق 5G دەنساۋلىققا زيان دەپ سانايتىن تۇرعىندارعا جۇگىندى. «شىن مانىندە، ءبىز ەنگىزىپ جاتقان جاڭا تەحنولوگيالار بارلىق تالاپقا ساي. مىندەتتى تۇردە سانيتارلىق-ەپيدەميولوگيالىق نورمالارعا سايكەس بولۋىن قاداعالايمىز»، - دەپ قوستى ول.

اۆتور: الما مۇقانوۆا